استانا قالالاردىڭ حالىقارالىق بەلسەندىلىگىندە كوش باستادى
شىلدەنىڭ 31 كۇنى كونگرەسس اياسىندا ەۋرازيا قالالارىنىڭ حالىقارالىق بەلسەندىلىگى رەيتينگىسى جۇرگىزىلدى. سونىڭ ناتيجەسىندە «بىرىككەن قالالار مەن جەرگىلىكتى بيلىكتەر» بۇكىل الەمدىك ۇيىمىنىڭ ەۋرازيالىق ايماقتىق بولىمشەسىنىڭ باس اسسامبلەياسىنىڭ رەيتينگ قورىتىندىسى جاريالاندى. ۇيىمداستىرۋشىلار ءىرى، ورتا جانە شاعىن قالالاردىڭ ىشىندە ەڭ ۇزدىكتەرىن انىقتادى.
جالپى رەيتينگتىڭ جەڭىمپازى بولىپ استانا قالاسى تانىلدى. ءىرى قالالار ىشىندە حاباروۆسك، ەكاتەرينبۋرگ جانە نيجني نوۆگورود تا بار. ۇزدىك ۇشتىككە سونىمەن بىرگە، ياكۋتسك، ستاۆروپول مەن تيراسپول قالالارى كىرەدى.
كوشباسشى قالالاردىڭ وتىرىسى ەۋرازيالىق ىنتىماقتاستىقتى دامىتۋعا باعىتتالعان. شارانىڭ باستى ماقساتى جەرگىلىكتى بيلىكتىڭ جاھاندىق شەشىمدەر قابىلداۋعا بەلسەنە قاتىسۋى مەن ولاردىڭ الەۋەتىن ارتتىرۋعا نەگىزدەلگەن.
