قازاقستاندىق مەديتسينا ماماندارى ءتۇرلى اۋەندەردىڭ كومەگىمەن ادامداردى ەمدەپ جاتىر

اسىرەسە، ولاردىڭ ايتۋىنشا، ۇلتتىق اسپاپتاردا ورىندالاتىن تۋىندىلاردىڭ پيداسى زور، دەپ حابارلادى Trend.

پاۆلوداردا ۇلتتىق ەمشى كۇمىسجان مۇقاشيەۆا ناۋقاستاردى قوبىز ويناپ ەمدەيدى. وسى اسپاپ كومەگىمەن ول ادام ساناسىن دەپرەسسيا مەن پسيحولوگيالىق اۋىتقۋلاردان تازارتادى.

الماتىدا "Sal" مۋزىكا تەرپەياسى بار. كاسىبي مۋزىكانت 45 مينۋت كەلۋشىلەرگە ارناپ قازاق اسپابىندا اۋەن وينايدى. مىسالى، دۇيسەنبى - ساز- سىرناي، جۇما - دومبىرا. ءار اسپاپتىڭ ءۇنى بەلگىلى ءبىر ورگانداردى ساۋىقتىرۋعا باعىتتالعان.

استانادا دا مۋزىكا تەراپەياسىن پايدالاناتىن ماماندار بار. ولار ماگنيتافوندىق جازبانى پايدالانادى.

«كوپتەگەن لوگوپەدتەر تۇتىعۋدى مۋزىكامەن ەمدەپ ءجۇر. كۇن سايىن ەكى ساعاتتان موتسارتتى تىڭداساڭ، اقاۋدان ارىلۋعا جەتكىلىكتى ەكەنى انىقتالدى. وسىلايشا اكتەر جەرار دەپاردە بالالىق شاعىندا كەكەشتىكتەن ارىلعان. الدىڭدا ءوزىڭ شەشە الماي جۇرگەن مىندەت بار دەيىك. جاي عانا موتسارتتى تىڭداڭىز. كوپ ۇزاماي كۇرمەۋى قيىن ماسەلەڭىز شەشىمىن تابادى. بۇل كومپوزيتوردىڭ اۋەنى ميدىڭ قابىعىنا اسەر ەتىپ، ادامنىڭ پاراساتىن كوتەرىپ، تىلسىم كۇش بەرەدى. بۇل عىلىمي دالەلدەنگەن فاكتى»، - دەدى ەلوردالىق پسيحولوگ اياش قۇربايەۆا.

قايرات نۇرتاستىڭ ەسترادالىق جازبالارىن پايدالانىپ، جۇيكەسى سىر بەرگەندەردى ەمدەيدى. ونىڭ ايتۋىنشا، تومەن داۋىسپەن ءان ايتاتىن ەر ادامداردىڭ كومپوزيتسياسى ناۋقاستارعا جاقسى كومەكتەسەدى ەكەن. مىسالى ەگەر ادام دەپرەسسياعا ۇشىراسا، ول ءمۇسىلىم ماگومايەۆتىڭ ورىنداۋىنداعى فيگارو كاۆاتيناسىن تىڭداۋى قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى