استانانىڭ تەمىرجول ۆوكزالىندا فلەشموب ۇيىمداستىرىلدى - كەسكىن
«تۇلپار- تالگو» پويىزىنىڭ جاس، ونەرلى جولسەرىكتەرى وزدەرىنىڭ كاسبي مەرەكەسى - كولىك قىزمەتكەرلەرى كۇنىن وسىلاي ەرەكشە اتاپ وتۋدە، دەپ حابارلايدى «جولاۋشىلار تاسىمالى» ا ق باسپا ءسوز قىزمەتىنەن.
«جولاۋشىلارعا ساپار الدىندا مەرەكەلىك كوڭىل-كۇي سىيلاعىمىز كەلدى. ويتكەنى ولاردىڭ ۇلتتىق تاسىمالداۋشى كومپانياعا دەگەن كوزقاراسى ءبىزدىڭ قىزمەتىمىزگە تىكەلەي بايلانىستى. قازىر پويىزداردا سەرۆيستىك قىزمەتتىڭ دەڭگەيى زامان تالابىنا ساي ءوسىپ كەلەدى. ءتۇرلى جەڭىلدىكتەر قاراستىرىلعان بيلەتتەر دە قولجەتىمدى»، - دەيدى جولسەرىكتەر.
مەرەكەلىك شارا بارىسىندا ۆيكتورينا وتكىزىلىپ، ونىڭ جەڭىمپازدارىنا باعالى سىيلىقتار جانە «تۇلپار- تالگو» پويىزدارىنا بيلەت ساتىپ العاندا 10 پايىزدان 20 پايىزعا دەيىن جەڭىلدىكتەرگە بەرەتىن «ساياحاتشى» ديسكونتتىق كارتالارى تابىس ەتىلدى.
