سەرىك ساپيەۆ: بەيجىڭنىڭ كورسەتكىشى بىزدەن اسا جوعارى دەپ ويلامايمىن
«ارينە، بۇكىل دەلەگاتسيا قامىعىپ قالدى. بىزگە داۋىس بەرگەندەردىڭ بارلىعى كەلىپ، تانىستىرىلىم ءۇشىن جىلى سوزدەرىن ايتىپ جاتىر. شىن مانىندە كوپشىلىگى قازاقستانعا داۋىس بەرگەن، پايىزدىق كورسەتكىشتىڭ قانداي ەكەنىن بىلمەيمىن، ءبىراق بەيجىڭنىڭ كورسەتكىشى بىزدەن اسا جوعارى دەپ ويلامايمىن. ءبىزدىڭ كوماندا قامىعىپ قالدى، ءبىراق ءبىز ەڭسەمىزدى تۇسىرمەيمىز. ءبىز قىستىق قانا ەمەس، ءالى جازدىق وليمپيادانى وتكىزەمىز»، - دەدى سەرىك ساپيەۆ.
«ءبىز - جاس ەلمىز، بىزگە ەندى عانا 25 جىل تولادى. ح و ك- تىڭ گەوگرافيالىق جاعىنان جاساعان تاڭداۋى قىزىق - 2018 -جىلى وليمپيادا كورەيادا، ال 2022 -جىلى قىتايدا وتەدى. گەوگرافيالىق جاعدايى جاعىنان الماتى جاقسى كەلەدى، ءبىراق وتپەي قالدىق. دەمەك، حالىقارالىق وليمپيادا كوميتەتى سولاي شەشتى. ەشتەڭە ەتپەيدى. ودان ءارى جۇمىس ىستەۋگە ىنتا بار، الدىمىزدا تالاي جەڭىس كۇتىپ تۇر. بىرەۋلەردى قىتاي سياقتى باقتالاستان جەڭىلۋ ۇيات ەمەس دەگەن وي جۇباتاتىن شىعار، دەگەنمەن ءبىز جەڭگەندە جاقسى بولاتىن ەدى»، - دەدى سپورتشى.
بۇل تۋرالى جانە وزگە دە سپورت جاڭالىقتارى جونىندە Vesti.kz سايتىنان وقىڭىزدار.
ايتا كەتەيىك، بۇگىن مالايزيالىق كۋالا- لۋمپۋردە وتكەن حالىقارالىق وليمپيادا كوميتەتىنىڭ (ح و ك) 128-سەسسياسىندا بەيجىڭ وليمپيادا-2022 ويىندارىن وتكىزەتىن قالا رەتىندە تاڭدالدى.
ەسكە سالا كەتەيىك، الماتى ح و ق- قا رەسمي تۇردە ءوتىنىش بەرگەن ءبىرىنشى قالا بولدى. بۇعان دەيىن ساراپشىلار الماتى ءوتىنىمىنىڭ ارتىقشىلىقتارىن اتادى - وسىعان ۇقساس جارىستاردى وتكىزۋ تاجىريبەسى (2011 -جىلعى ازيا ويىندارى)، ينفراقۇرىلىم نىساندارىنىڭ 70 پايىزعا دايىن بولۋى، ىقشامدىلىعى (ەگەر وليمپيادا الماتىدا بولسا، ول 30 شاقىرىم راديۋستا وتەدى، ال بەيجىڭدە بۇل كورسەتكىش جەتى ەسەگە جوعارى - 200 شاقىرىم)، سونىمەن قاتار، كليماتى - الماتىدا بەيجىڭگە قاراعاندا قار قالىڭ تۇسەدى.
kaz.tengrinews.kz
