مەترودا ەر ادام بويجەتكەننىڭ قۇلاپ قالعان تەلەفونىن كوتەرەمىن دەپ، ەكى ساۋساعىنان ايىرىلدى
ماسكەۋ مەتروپوليتەنىندەگى ءى ءى ب باسپا ءسوز قىزمەتىنىڭ باسشىسى الەكسەي مىشليايەۆ حابارلاعانداي، ونىڭ ساۋساقتارىن ەسكالاتوردىڭ قوزعالىپ تۇرعان تاراقشاسى جۇلىپ كەتكەن.
30 -شىلدەدە، بەيسەنبى كۇنى ۋدمۋرتيا رەسپۋبليكاسىنىڭ 24 جاستاعى تۋماسى ەكسكالاتورمەن ءتۇسىپ كەلە جاتىپ، جانىندا تۇرعان بويجەتكەننىڭ ۇيالى تەلەفونى ءتۇسىپ قالعانىن بايقاپ قالادى دا، ونى كوتەرىپ الماقشى بولعاندا، ەكى ساۋساعىنان ايىرىلعان.
«ساۋساقتارى قوزعالىپ تۇرعان مەتالل تاراقشانىڭ اراسىنا قىستىرىلىپ قالعان. ونىڭ وڭ قولىنىڭ ەكىنشى، ءۇشىنشى ساۋساقتارى كەسىلىپ كەتتى»، - دەدى باسپا ءسوز قىزمەتىنىڭ باسشىسى.
ماسكەۋ مەتروپوليتەنىندە ءى ءى ب قىزمەتكەرلەرى جەدەل جاردەم شاقىرتقان، جارتى ساعات ىشىندە ول اۋرۋحاناعا جەتكىزىلدى.
