مۇستافا وزتۇرىك اتىنداعى ءۇشىنشى سپورت كلۋبى شىمكەنت قالاسىندا اشىلادى

«قازاقستان تاەكۆوندو (WTF) فەدەراتسياسى» ق ب، АО KaspiBank-تىڭ قولداۋىمەن ەلىمىزدىڭ ەڭ ءىرى قالالارىندا تاەكۆوندو سپورت كلۋبتارىن اشۋ جوباسىن جالعاستىرىپ كەلەدى. قازىر بۇل باعدارلاما بويىنشا «Mustafa - Astana» مەن «Mustafa - Almaty» سپورت كلۋبتارى جۇمىس ىستەپ جاتىر.

شىمكەنت قالاسىندا مۇستافا وزتۇرىك اتىنداعى ءۇشىنشى مەكتەپ اشىلعالى جاتىر. شىرايلى شىم قالا بەكەر تاڭدالعان جوق. وڭتۇستىك قازاقستاننىڭ اكىمشىلىك ورتالىعى حالىق سانى بويىنشا ەلدەگى ەكىنشى، ال الىپ جاتقان جەر كولەمى بويىنشا ەڭ ۇلكەن شاھار بولىپ ەسەپتەلەدى. شىمكەنت - قازاقستاننىڭ نەگىزگى ونەركاسىپ، ساۋدا جانە مادەني ورتالىقتارىنىڭ ءبىرى.

سونىمەن قاتار، وڭتۇستىك قازاقستان تاەكۆوندو مەكتەبىنىڭ ساڭىلاقتارى رەسپۋبليكالىق ماڭىزى بار جارىستاردا ىلعي ۇزدىكتەر قاتارىنان كورىنەدى.

«مۇستافا-شىمكەنت» سپورت كلۋبىنا 6 جاستان باستاپ بارلىق ادامدارعا ەسىك اشىق. كلۋبتىڭ رەسمي اشىلۋ سالتاناتى 2015-جىلدىڭ 1- تامىزىنا جوسپارلانعان.

ايتا كەتەيىك، بۇل باعدارلاما بويىنشا اشىلعان جانە دە اشىلىپ جاتقان بارلىق سپورت كلۋبتارى مۇستافا وزتۇرىك اتىندا. ويتكەنى اتى اڭىزعا اينالعان قازاق 6 دۇركىن الەم چەمپيونى بولىپ تابىلادى. 7- دان يەگەرى، قازاقستان مەن تۇركيا ەلىندە تاەكۆوندونىڭ نەگىزىن قالاعان بىرەگەي تۇلعالاردىڭ ءبىرى.

قازىر بۇل باعدارلاما بويىنشا «Mustafa - Astana» مەن «Mustafa - Almaty» سپورت كلۋبتارى جۇمىس ىستەپ جاتىر. بۇعان قوسا، جاقىن ارادا ەلدىڭ ءار ايماعىندا تاعى بىرنەشە كلۋب اشۋ جوسپاردا بار.

Bnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى