قىتايدا ەركىن ءىلياس ۇلىن ەسكە الۋعا ارنالعان الامان ايتىس ءوتتى - فوتو
بۇل تۋرالى قىتايداعى قازاق راديوسىنىڭ سايتى حابارلاپ وتىر.
وسكەن ەلىندە وشپەس ولەڭى قالعان ايتىسكەر اقىن ءتىرى بولعاندا بيىل 50 جاسقا تولاتىن ەدى. وسىدان 3 جىل بۇرىن كولىك اپاتىنان قازا بولعان اقىندى ەسكە الۋ كەشى ءوزىنىڭ تۋعان جەرى بۋرىلتوعاي اۋدانىندا ءوتتى.
بۋرىلتوعاي اۋداندىق ۇكىمەت شىنجاڭ فولكلورشىلار قوعامى جانە شىنجاڭ قازاق ايتىس زەرتتەۋ قوعامىمەن بىرلەسە وتىرىپ ۇيىمداستىرعان الامان بايگەگە شىنجاڭنىڭ ءار ايماق، وبلىسىنان 15 كە جۋىق اقىن كەلىپ قاتىستى.
ايتىس قورىتىندىسى بويىنشا 1-ورىندى ءجاميعا داۋلەت قىزى جەڭىپ الدى. 2-ورىندى قاناتبەك ءزايتوللا ۇلى مەن ۇلاربەك ميناتقان ۇلى ەنشىلەسە، 3-ورىن انار بادەلحان قىزى مەن ناعىمان شۇكەن ۇلىنا بۇيىردى. ال قۇرمەت سىيلىعىنا شاكەن قاليوللا ۇلى مەن زۋرا تىلەۋ قىزى يە بولدى.
