عالامتوردا ءسابيت پەن التىنايدىڭ وتاۋ قۇرعان كۇنى تۇسىرىلگەن ۆيدەو پايدا بولدى

قازاق ەستراداسىندا وزىندىك ورنى بار جۇلدىزدى جۇپ - ءسابيت ءابدىحالىقوۆ پەن التىناي جورابايەۆانىڭ وتاۋ قۇرعانىنا بىرنەشە جىل بولدى.

2001-جىلى التىناي «ازيا داۋىسى» بايقاۋىنىڭ لاۋرەاتى اتانعان جانە وسى كەزدە بولاشاق جارىمەن تانىسقان. كوپ ۇزاماي قوس عاشىق وتباسىن قۇرعان.

بۇگىندە ءسابيت پەن قازاق ەستراداسىندا «باتىر انا» اتانىپ جۇرگەن التىناي اياۋلىم، اينارا، سەمانۇر، كوركەم ەسىمدى 4 قىزدى تاربيەلەپ وتىرعان ۇلگىلى وتباسىلاردىڭ ءبىرى.

ءانشى ءوزىن باقىتتى ايەل سانايدى. بىردە باسپا ءسوز بەتىنە بەرگەن ءبىر سۇحباتىندا وسى جايلى بايانداعان بولاتىن. «مەن ەشكىمنىڭ ومىرىنە قىزىقپايمىن. ويتكەنى ءوز ءومىرىم بارىنەن قىزىق. شاتتىققا بولەنگەن وتباسىم، ءومىرىمدى جالعاستىراتىن بالا-شاعام بار. ەندەشە، مەن نەگە وزگەنىڭ ومىرىنە قىزىعۋىم كەرەك؟! اللا كوپ كورمەسىن، مەن باقىتقا بولەنگەن ايەلمىن»، - دەيدى. سونداي-اق، «ءسابيت قانشا جەردەن ەموتسيانىڭ ادامى بولعانىمەن، وتباسى ماسەلەسىنە كەلگەندە ەرەكشە مەيىرىمدى»، - دەپ جارىنىڭ مىنەزىن دە جاسىرمايدى.

ءوز كەزەگىندە ءسابيت التىنايدى العاش كورگەندە ونىڭ تالانتى مەن داۋسىنا قىزىققانىن جانە بۇگىندە ول بالالارىنا، ءۇي شارۋاسىنا ۇقىپتى، جاۋاپتى ايەل ەكەنىن ايتادى.

ءسابيت ءابدىحالىقوۆ كينو يندۋسترياسىن تىڭ تۋىندىلارىمەن تولىقتىرىپ، دامۋىنا ءوز ۇلەسىن قوسقان رەجيسسەر. ونىڭ كومەديا جانرىنداعى «قانتالاپاي»، «نەسيەگە ماحاببات» فيلمدەرى كورەرمەننىڭ وڭ باعاسىن الدى. سونىمەن قاتار ءبىراز جىل «تاماشا»، «باۋىرجان شوۋ» «مافيا مەن تاقيا» تەاترلارىندا ونەر كورسەتكەن اكتەر. قازىر عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ باسشىسى. ال اياۋلى جارى اسەم اندەرىمەن حالىقتىڭ كوڭىلىنەن شىعىپ جۇرگەن تالانتتى ءانشى.

 baistars.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى