جۇما كۇنى رەسپۋبليكانىڭ باسىم بولىگىندە قاتتى ىستىق بولادى
تۇندە رەسپۋبليكانىڭ سولتۇستىك جانە ورتالىعىنىڭ كەي جەرلەرىندە تۇمان كۇتىلەدى، تەك شىعىستا تۇراقسىز اۋا رايى ساقتالادى، كۇندىز كەي جەرلەردە جاڭبىر جاۋادى، نايزاعاي بولادى. بۇل تۋرالى قازگيدرومەت حابارلادى.
قوستاناي، سولتۇستىك قازاقستان، اقمولا، قاراعاندى وبلىستارىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى. وڭتۇستىك قازاقستان وبلىسىنىڭ كەي جەرلەرىندە كۇندىز جەل 15-20 م/س كۇشەيەدى. كۇندىز الماتى، جامبىل، ماڭعىستاۋ، باتىس قازاقستان، اقتوبە وبلىستارىنىڭ باسىم بولىگىندە، قوستاناي، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى. اتىراۋ وبلىسىندا وتە قاتتى ىستىق كۇتىلەدى. قىزىلوردا، جامبىل، وڭتۇستىك قازاقستان، وبلىستارىندا، الماتى، قاراعاندى باتىس قازاقستان، اقتوبە، شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
