قازاقستانداعى تانىمال ۇلگىلى وتباسىلار - فوتو
ۇلگى بولۋعا تۇرارلىق جانۇيا قۇرىپ وتىرعان ۇزدىك جۇلدىزدى وتباسىلاردى نازارلارىڭىزعا ۇسىنامىز.
ۆيكتوريا مەن مارات مومىنبايەۆتار
بالالارى: يگور (20 جاستا)، ءامىر (15 جاستا)، جانمارات (14 جاستا)، ارمان (13 جاستا)، الەم (11 جاستا)، مارسەل (5 جاستا).
ۆيكتوريا كۇندە تاڭعى 6:45 تە ويانىپ، بالالارىن مەكتەپكە شىعارىپ سالادى. كەيىننەن تۇسكى اس ازىرلەپ، ءوز جۇمىستارىنا كىرىسەدى ەكەن. التى بالانىڭ اناسى بارلىق شارۋاسىنا ۇلگەرىپ، ءار ۋاقىتىن ءتيىمدى جۇمساۋعا تىرىساتىنىن ايتتى.
ول بالالارىنا تاربيە بەرۋمەن قاتار، ءتۇرلى ءىس-شارالاردان دا قالىس قالمايدى ەكەن. 20 جاستاعى ۇلكەن ۇلى جەنيەۆاداعى حالىقارالىق ۋنيۆەرسيتەتتە ءبىلىم الادى. تاعى ءبىر ۇلى دا جەنيەۆاداعى College du Leman وقۋ ورنىندا ءبىلىمىن شىڭداۋدا.
ال ءۇش كىشى ۇلدارى «ميراس» مەكتەبىندە وقيدى. كىشى قىزى بريتاندىق Hailey Berry مەكتەبىندە 5 جاسىنان بەرى ءبىلىم الادى.
ۆيكتوريا ءوزىنىڭ بالالارىن قاشان دا ماقتان تۇتاتىنىن جاسىرمايدى.
ەسەنتايەۆتار وتباسى
بالالارى: ايساۋلە (19 جاستا)، ايارۋ (11 جاستا).
«مەن جۇمىس باستى بولعاسىن، بار ۋاقىتىمدى بالالارىما ارناپ ءجۇرمىن دەپ ايتا المايمىن. ءبىراق اپتاداعى ءبىر كۇنىمدى مىندەتتى تۇردە وتباسىما ارنايمىن. ءبىز قىدىرىپ، قوناققا بارامىز. ايساۋلە، ايارۋ ەسىمدەرىن قىزدارىما اكەم بەردى. بار ماسەلەنى اتا-انالارىمىزدىڭ اقىلىن تىڭداپ، شەشۋگە تىرىسامىز»، - دەيدى بايان.
بايان كۇيەۋىنىڭ بالالارىن بارىنشا ەركەلەتەتىنىن جاسىرمادى. ۇلكەن قىزى ايساۋلە بۇگىندە بىرىككەن اراب امىرلىگىندە حالىقارالىق جۋرناليستيكا ماماندىعىن يگەرۋدە.
ال كىشى قىزى ايارۋ تاتتىلەر پىسىرۋمەن اۋەستەنىپ، مۋزىكاعا دا قىزىعۋشىلىق تانىتۋدا.
«كىشى قىزىم ەركەلەتكەندى جاقسى كورەدى. مەن كۇنىنە كەمىندە ءبىر ساعات ونى قۇشاعىما الىپ، ايالاپ وتىرامىن. ول سۇيىسپەنشىلىكتى جاقسى كورەتىن جان. ءبىزدىڭ ءۇيىمىزدى شۋاقتاندىرىپ تۇراتىن كۇنىمىز... ول بولاشاقتا ءوزىنىڭ جەكە ناۋبايحاناسىن اشقىسى كەلەدى. ايارۋدىڭ رەتسەپتىسىمەن پىسىرىلگەن بالىشتەردى Central كوفەحاناسىنان ءدام تاتا الاسىزدار»، - دەيدى بايان.
ءداۋىت شايحيسلاموۆ پەن دانا ورمانبايەۆا
بالالارى: بەكسۇلتان (21 جاستا)، يسلامبەك (19 جاستا)، شارليز (8 جاستا)، ديلان (4 جاستا).
دانا دا ءار تاڭىن بالالارىن مەكتەپكە شىعارىپ سالۋمەن باستايدى. ۇلكەن ۇلى ۋنيۆەرسيتەتتى ءبىتىرىپ، بۇگىندە جۇمىس تاۋىپ تا ۇلگەرگەن. ال ورتانشى بالاسى دارىندى بالالارعا ارنالعان «كەڭەس» مەكتەبىندە ءبىلىم الادى.
«بەكس وتە اقىلدى، قاشان دا كوتەرىڭكى كوڭىل-كۇيدە جۇرەتىن تياناقتى جان. يسلامبەك ۇقىپتى، جايدارلى، ال شارليز دارىندى، ءادىل مىنەزىمەن ەرەكشەلەنەدى. ديلان دا وتە اقىلدى، ءار ۋاقىت كوڭىلدى جۇرەدى. ەڭ باستىسى ولار ءبىر-بىرىمەن قاشان دا تاتۋ»، - دەيدى 4 بالانىڭ اناسى.
قاراقات ءابىلدينا مەن قىدىرالى بولمانوۆ
بالالارى: بەكبولات (14 جاستا)، يمان-ءالى (6 جاستا)، ءنۇرالى (5 جاستا)، ايسۇلتان (2 جاستا).
قاراقاتتىڭ ۇلكەن ۇلى قازاق-تۇرىك ليتسەيىندە وقيدى. «استانا 1964» فۋتبول كلۋبىنا كىرىپ، فۋتبولعا ۇلكەن قىزىعۋشىلىق تانىتۋدا.
يمان-ءالى بولسا، ءبىرىنشى سىنىپقا ەندى اياق باستى. شاحمات پەن دومبىراعا اۋەستەنەدى. ال ءنۇرالى بالاباقشاعا بارىپ ءجۇر. ەڭ كىشى ۇلى جاقىندا عانا ەكىگە تولدى.
«قىدىرالى بالالارىنا ەش ۋاقىتتا داۋىس كوتەرمەيدى، ءار جۇما سايىن ولارمەن جۇما نامازعا بارادى. ءبىز بالانى 5 جاسقا دەيىن بارىنشا ەركەلەتىپ، كەيىن ازداپ قاتالداۋ بولۋ كەرەك دەپ ەسەپتەيمىز»، - دەيدى قاراقات.
ەرلان مەن گۇلشات نۇرپەيىسوۆتەر
بالالارى: سنەجانا (30 جاستا)، دوسان (27 جاستا)، دانات (21 جاستا)، سانجار (18 جاستا)، عايني (15 جاستا)، دايانا (7 جاستا)، داري (5 جاستا).
«ءبىزدىڭ وتباسىمىز ۇلكەن. ۇلكەن قىزىمىز سنەجانا ەكى بالاسىمەن جانە كۇيەۋىمەن چەليابينسكىدە تۇرىپ جاتىر. ۇلكەن ۇلىمىز الماتىدا جۇمىس ىستەيدى. ءتورت ۇلىمىز سانجار، عايني، دايانا جانە داري بىزبەن بىرگە تۇرۋدا. سانجار سنوۋبوردقا قىزىعادى، عايني ءبي مەن ۆوكالعا اۋەستەنەدى. قازىر رەجيسسەرلىك شەبەرلىك كۋرستارىن ءتامامداپ، ءوز سەناريلەرىمەن روليكتەر تۇسىرۋدە. كىشى ۇلدارىمىز دايانا مەن داري تۋىلعانىنا 40 كۇن بولا سالىسىمەن ءجۇزۋدى ۇيرەنىپ الدى»، - دەيدى ەرلان.
سالتانات قاليەۆا مەن باعدات قوجاحمەتوۆ
18 جاسىندا تۇرمىسقا شىققان سالتاناتتىڭ بۇگىندە بەس بالاسى بار. ءۇش قىزى مەن ەكى كىشى ۇلدارى بار. سالتانات دارىندى ءارتىس، ديكتور جانە پروديۋسسەر. ونىڭ كۇيەۋى باعدات قوجاحمەتوۆ «31- ارنانىڭ» باس ديرەكتورى.
«التىنشى بالانى دۇنيەگە اكەلۋ ماسەلەسىنە كەلەتىن بولساق، مەن بۇرىنعىداي فيزيكالىق تۇرعىدان مىقتىمىن دەپ ەسەپتەمەيمىن. بەس بالانىڭ ءوزى دە جەتكىلىكتى. ەڭ باستىسى سانى ەمەس ساپاسى دەپ ەسەپتەيمىن»، - دەيدى قاليەۆا.
روزا ءالىقوجا مەن ايدىن قابا
روزا ءالىقوجا جۇبايى ايدىن قابامەن بەيبارىس، جانارىس، ەلارىس، اقبوتا ەسىمدى ءتورت بالالاردى تاربيەلەپ، اقپان ايىندا تاعى ءبىر قىزدى دۇنيەگە اكەلدى. بەس بالانىڭ اناسى كەزىندە وتباسى جايلى ويىمەن ءبولىسىپ، vkototy.wordpress.com بلوگىنا سۇحبات بەرگەن ەدى.
«ارينە، تابيعي تالانت بولعاننان كەيىن، ونى ءارى قاراي ءىلىپ اكەتۋ ءار ادامنىڭ ءوز قولىندا. وتباسى تىرلىگىنەن شىعا الماي قالساڭ، ونەرىڭ اقساپ قالادى دەگەن سياقتى. تانىمالدىلىققا دا تيگىزەر اسەرى بار. دەگەنمەن دە، ەكەۋىن قاتار الىپ جۇرە، «كوشتەن قالىپ جاتىرمىز» دەپ ايتا المايمىن، جوسپارلارىم ءبارى ءوز رەتىمەن ورىندالىپ جاتىر»، - دەيدى ءانشى.
ينديرا راسىلحان مەن اسقار
«اق قايىڭمەن سىرلاسىپ»، «جاپىراق جۇرەك جاس قايىڭ» ءانىن ورىنداۋمەن تالايعا تانىمال بولعان ءانشى ينديرا راسىلحان 2012-جىلى ءۇش ۇلدان كەيىن دۇنيەگە ءتورتىنشى نارەستەسىن اكەلدى.
ءتورت بالانىڭ اناسى ونەر سالاسىن قاتار الىپ جۇرۋىنە قارسىلىق بىلدىرمەي، قاشان دا قاسىنان تابىلىپ جۇرگەن اسقار ەسىمدى جولداسىنا العىسى شەكسىز ەكەنىن دە جاسىرمايدى.
التىناي جورابايەۆا مەن ءسابيت ءابدىحالىقوۆ
قازاق ەستراداسىندا «باتىر انا» اتانىپ جۇرگەن التىناي جورابايەۆا بۇگىندە 4 قىزدىڭ اناسى. ءانشى ءسابيت ءابدىحالىقوۆقا تۇرمىسقا شىققان.
ءسابيت ءابدىحالىقوۆ - كينو يندۋسترياسىن تىڭ تۋىندىلارىمەن تولىقتىرىپ جۇرگەن رەجيسسەر. ونىڭ كومەديا جانرىنداعى «حانتالاپاي»، «نەسيەگە ماحاببات» فيلمدەرى كوزىقاراقتى كورەرمەننىڭ وڭ باعاسىن الدى.
نۇرجان سۇبحانبەردين مەن جاننا سۇبحانبەردينا
نۇرجان سۇبحانبەردين - جازۋشى سالكەن سۇبحانبەرديننىڭ ۇلى. ونىڭ مۇلكى $950 ميلليونعا باعالانىپ، Forbes Kazakhstan جۋرنالىنىڭ رەيتينگىندە ەڭ قالتالى 50 ازاماتتىڭ تىزىمىنە ەنگەن.
Central Asian Industrial Holdings N.V. CAIH كومپانياسىنىڭ نەگىزىن قالاعان كاسىپكەر بۇگىندە 9 بالا تاربيەلەپ وتىر. جۇبايى جاننا سۇبحانبەردينا بولسا، Fidelity فيتنەس جەلىسىنىڭ يەسى.
زاعيپا باليەۆا مەن مۇحتار باليەۆ
پارلامەنت ءماجىلىسىنىڭ دەپۋتاتى زاعيپا باليەۆا 6 بالانىڭ اناسى. جولداسى مۇحتار باليەۆپەن دانيار، ەرنار، اليار، نۇرسۇلتان ەسىمدى ءتورت ۇل جانە الدارا-بەگىم، داريا-بەگىم ەسىمدى ەكى قىز تاربيەلەپ وتىر.
Nur.kz
