شەشەنستان باسشىسى رامزان قادىروۆ وزىنە قانداي قاستاندىقتاردىڭ جاسالعانىن ايتىپ بەردى

سۇحبات بارىسىندا قادىروۆقا قاستاندىق جاسالعانى تۋرالى اقپاراتتىڭ سوڭعى رەت 2003-2005-جىلدارى تاراعانى تۋرالى جانە سودان بەرى قاستاندىق جاسالدى ما دەگەن سۇراق قويىلدى.

ونىڭ جاۋابىنا قاراعاندا، قاستاندىق بىرنەشە رەت جاسالعان، ءبىراق قادىروۆ ول جونىندە ايتۋعا ىڭعايسىزدانىپتى.

«بىرنەشە اي بۇرىن چەرنورەچەدە. ءتورت اي بۇرىن. مەن نىساندى ءاردايىم تەكسەرەم. ول جەردە قۇبىر بار. قۇبىردى مينالاپ تاستاپتى. ول جەردە مەن كۇندە باقىلايتىن الاڭقاي بار ەدى، سول جەردى مينالاپتى»، - دەيدى قادىروۆ.

ونىڭ ايتۋىنشا، ءبىر توپ بىرىگىپ ارەكەت ەتكەن، ول باندانىڭ باسىندا حامزات بيتيۋكايەۆ تۇر، سولاردىڭ ءبىرى ءتىرى قالىپتى.

«بيتيۋكايەۆتىڭ ءبىر جىگىتى، ءوزى سونداي كۇلكىلى، قىزىق، ءالى تىم جاس. ورمانعا كەتتى، وعان گروزنىيعا بار دا، قادىروۆتى ءولتىر دەگەن تاپسىرما بەرىلگەن. ول مەنى جارىپ جىبەرمەكشى بولدى. ءبىز ولاردىڭ بارلىعىنىڭ كوزىن قۇرتتىق، بىرەۋى قالدى»، - دەيدى قادىروۆ.

«مۇنداي جاعدايلاردىڭ تاعى بىرنەشەۋىن اتاي الامىن. داعىستاننان ەكى جىگىت كەلدى، تىم جاس جىگىتتەر. ولار دا تەراكت ازىرلەگەن. ءبىز ولاردى ۇستاپ الدىق. جىگىتتەردىڭ كەدەي وتباسىنان شىققاندارى كورىنىپ تۇردى. مەن ولارعا وتباسىلارىڭ جايىندا ايتىڭدار دەدىم. اكەسى ولتىرىلگەن، اعاسى جارالى، اناسىنىڭ كورۋ قابىلەتى 75 پايىزعا جوعالىپ اۋرۋحانادا جاتىر. وعان وپەراتسيا جاساتۋ ءۇشىن 50 مىڭ رۋبل جوق. مىنە ساعان 100 مىڭ رۋبل، ەكىنشىسىنە 50 مىڭ رۋبل، ۇيلەرىنە اپارىپ تاستاڭدار دەدىم»، - دەيدى شەشەنستان باسشىسى.

ولتىرۋگە تاپسىرىس بەرگەندەردى تابا الدىڭىز با دەگەن سۇراققا ول: «تاپسىرىس بەرۋشىلەر شايتاندار. ول بيتيۋكايەۆتار، وماروۆتار، تاپسىرىس بەرۋشىلەر سولار»، - دەپ جاۋاپ بەردى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى