قازاقستاندا اسكەري قىزمەتتەگى ەڭ ادەمى ايەلدەردىڭ سۋرەتى بار كۇنتىزبەلەر شىقتى - فوتو
كۇنتىزبە مىڭ دانالىق تيراجبەن شىقتى. قورعانىس ۆەدومستۆوسىنىڭ بارلىق قۇرىلىمدىق بولىمشەلەرى كۇنتىزبەگە جول جەتكىزدى. كۇنتىزبە قورعانىس مينيسترلىگى قىزمەتكەرلەرىنىڭ اراسىندا وتكەن «باتىر ارۋلار» اتتى سۇلۋلىق بايقاۋىنىڭ قورىتىندىسى بويىنشا شىعارىلدى. 2016-جىلعا ارنالعان كۇنتىزبەدەگى ءار ايدا 12 فيناليست ارۋدىڭ تۇراتىنى ينتەرنەت ارقىلى داۋىس بەرۋ باستالعاندا حابارلانعان بولاتىن.
باسپا ءسوز قىزمەتىندەگىلەردىڭ ايتۋىنشا، ارۋلار ايلارعا قاراي تاڭدالعان جوق. ولار ەركىن تۇردە ىرىكتەلىپ، قويىلدى.
«باتىر ارۋلار» - بۇل ق ر ق ك اسكەري قىزمەتشى ايەلدەر اراسىنداعى العاشقى قازاقستاندىق بايقاۋ. بايقاۋعا قازاقستان قارۋلى كۇشتەرىنىڭ بارلىق تۇرلەرى مەن اسكەر تەكتەرىنەن، سونداي-اق ق ر ق م ورتالىق اپپاراتىنان بارلىعى 123 ايەل قاتىستى. بايقاۋ قورىتىندىسىندا ەڭ كوپ داۋىس جيناعان 12 ۇمىتكەر ىرىكتەلىپ الىندى. ولاردىڭ بارلىعى بايقاۋ جەڭىمپازدارى دەپ تانىلىپ، 2016-جىلعى مامانداندىرىلعان كۇنتىزبەگە ارنالعان كاسىبي فوتوسەسسياعا قاتىستى. بايقاۋعا قاتىسۋشىلارعا داۋىس بەرگەن ادامداردىڭ سانى رەكوردتىق كورسەتكىشكە يە بولدى - 255725.
