شىعىس قازاقستاننان تابىلعان ساق ايەلىنىڭ جاسى انىقتالدى

جاڭا ءادىس ارقىلى ماماندار حانشايىمنىڭ ءبىزدىڭ زامانىمىزعا دەيىنگى IV- III عاسىرلاردا ءومىر سۇرگەنىن انىقتادى. ايەل شامامەن 40-45 جاستا. ونىڭ باس كيىمى قىزىل جىبەكتەن، ال كيىمى مالدىڭ جۇنىنەن تىگىلگەن. «ءبىز ساراپتاما جاساتۋ ءۇشىن ەرميتاجبەن بايلانىستىق، ولار جاقسى ناتيجە بەردى. باس كيىمىنەن ەرەكشە سۋرەت تاپتىق. ولاردى جيناقتاعان كەزدە سامۇرىق قۇسىنىڭ بەينەسى ەكەنىن بىلدىك. مۇندايدى العاش كورۋىمىز»، - دەدى جاڭعىرتۋشى قىرىم التىنبەكوۆ.

جاڭعىرتۋشىلاردىڭ ايتۋىنشا، دالادا جۇمىس ىستەۋ، تابىلعان زاتتاردى ساقتاۋ قيىندىق تۋدىرادى. سوندىقتان دا وتاندىق عالىمدار «قۇم دوربا» اتتى جاڭا ءادىس ويلاپ تاپقان. ياعني، دەرەكتەردىڭ قاۋىپسىزدىگى ءۇشىن ەندى ساركوفاگتار بولەك بلوكقا، ال جەردەن قازىپ الىنعان زاتتار بولەك بلوكقا ساقتالادى.

قازىر كونسەرۆاتسيالىق جۇمىستار اياقتالدى، جاڭعىرتۋ جۇمىستارى باستالدى. قازاقستاندىق عالىمدار ا ق ش- قا جىبەرىلگەن سۇيەك، توقىما مەن توپىراقتىڭ ساراپتامالارىنىڭ ناتيجەلەرىن كۇتىپ وتىر. وسىدان كەيىن عانا حانشايىمنىڭ ناقتى قاي عاسىردا ءومىر سۇرگەنى انىقتالادى. زەرتتەۋ جۇمىستارى اياقتالعاننان كەيىن ەكسپونات ۇلتتىق مۇراجايعا قويىلادى.
tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى