كولەمى موناكونىڭ جەرىمەن بىردەي كۇن ساۋلەسى ستانسياسى - فوتو
ءالپى تاۋىندا ورنالاسقان ستانسيا 200 گەكتار جەردە سوزىلىپ جاتىر. ونىڭ جالپى ءوندىرۋ قۋاتى - 90 مەگاۆات. كۇن ەلەكتر ستانسياسى 113 مىڭ فوتوەلەكترلى كۇن باتارەياسىنان تۇرادى.
مۇنى ىسكە اسىرۋ ءۇشىن فرانسيا بيلىگى 110 ميلليون ەۋرو قارجى جۇمساپتى. ستانسيانىڭ كولەمى جاقىن ايماقتا ورنالاسقان تاۋەلسىز موناكو كنيازدىعىمەن بىردەي ەكەن.
قازىرگى تاڭدا بۇل - فرانسياداعى ەڭ ۇلكەن كۇن فەرماسى. وسىعان قاراپ ءبىز ەۋروپا ەلدەرىنىڭ ەلەكتر ەنەرگياسىن شىعاراتىن قوسىمشا تاسىلدەردى ىزدەستىرىپ جاتقانىن بايقايمىز. مۇنىڭ بارلىعى 2011-جىلى جاپونيادا بولعان سۋ تاسقىنىنان كەيىنگى اتوم ەنەرگياسى اپاتتارىنان سوڭ بەلسەندى تۇردە قاراستىرىلا باستاعان.
massaget.kz
