ەسىموۆ الماتىنىڭ وليمپياداعا قانشالىقتى دايىن ەكەنىن ايتىپ بەردى
ءماسليحات بارىسىندا شەتەلدىك مەديا وكىلدەرى قازاقستان مەن الماتى قالاسىنىڭ الەۋمەتتىك- ەكونوميكالىق دامۋىنا بايلانىستى سۇراقتار قويدى. سونىمەن قاتار، جۋرناليستەر الماتىنىڭ وليمپيادا-2022 وتكىزۋگە قانداي دايىندىقتار جۇرگىزىپ جاتقانىنا قىزىعۋشىلىق تانىتتى.
«ەگەر ءبىزدىڭ وليمپيادا وتكىزۋگە بەرگەن العاشقى ءوتىنىشىمىزدى ەسكە الاتىن بولساق، وسى مەرزىم ارالىعىندا قالانىڭ ەكونوميكاسى ەكى ەسە ارتتى، ينفراقۇرىلىم جاقسارىپ، سپورت جانە مادەنيەت نىساندارى جەتىلدىرىلدى. بۇگىندە الماتى ەلىمىزدىڭ ەكونوميكالىق ورتالىعى بولىپ تابىلادى جانە رەسپۋبليكالىق بيۋدجەتتىڭ باسىم بولىگىن جاساقتايدى، قالانىڭ ءجىو كولەمى داعدارىسقا قاراماستان كەيبىر كورشىلەرىمىزدىكىنەن اسىپ جىعىلادى. (...)»، - دەپ جاۋاپ بەردى ەسىموۆ.
سونىمەن قاتار، ول ۇمىتكەر قالالاردىڭ باسىم بولىگى شىعىن كولەمىنىڭ وتە كوپ بولۋىنا بايلانىستى ءوز كانديداتۋرالارىن الىپ تاستاعاندارىن اتاپ ءوتتى.
«كۇن تارتىبىندەگى باستى ماسەلە ويىنداردى وتكىزۋگە از شىعىندانۋ. حوك باعالاۋىندا الماتىدا سپورت نىساندارىنىڭ 70 پايىزى بار، وندا ءتۇرلى دەڭگەيدەگى جارىستار وتكىزىلگەن. ءاچ باستاپ ءتۇرلى ويىندارعا دەيىن. مىسالى، 2015 -جىلى كونكي سپورتىنان ءا چ ءوتتى. ياعني، بىزدە سپورت نىساندارىنىڭ 70 پايىزى دايىن. بۇگىندە ءبىز ۋنيۆەرسيادا 2017 وتكىزۋگە دايىندالىپ جاتىرمىز، ياعني 2017 -جىلدىڭ باسىنا قاراي وليمپيادا-2022 وتكىزۋگە قاجەتتى سپورت نىساندارىمىزدىڭ سانى 80 پايىزدى قۇرايتىن بولادى. ءبىز ح و ك تالاپتارىنا تولىعىمەن جاۋاپ بەرەمىز»، - دەپ ءتۇسىندىردى الماتى اكىمى.
ەسكە سالا كەتەيىك، قازىرگى ۋاقىتتا 2022 -جىلعى قىسقى وليمپيادانى وتكىزۋ قۇقىعىنا الماتى مەن بەيجىڭ ۇمىتكەر. حالىقارالىق وليمپيادا كوميتەتىنىڭ اتقارۋشى كوميتەتى قازاقستاننىڭ وڭتۇستىك استاناسىمەن بىرگە وسلو (نورۆەگيا) ، بەيجىڭ (قىتاي) قالالارىن دا ۇمىتكەر رەتىندە بەكىتكەن بولاتىن. ءبىراق كەيىن نورۆەگيا استاناسى ءوز ءوتىنىشىن قايتارىپ الدى. وليمپيادا-2022 وتەتىن قالا حوك مۇشەلەرىنىڭ داۋىس بەرۋىنەن كەيىن 31 -شىلدەدە جاريالاناتىن بولادى. ال، بۇگىن 30 -شىلدە كۇنى الماتى مەن پەكين قالالارى وزدەرىن تانىستىرادى.
