ءولى تەڭىز «ءولىپ» بارادى

بۇعان سۋ دەڭگەيىنىڭ تومەن ءتۇسىپ، الىپ شۇڭقىرلاردىڭ پايدا بولۋى سەبەپ بولىپ وتىر. جەرگىلىكتى بيلىك جاعداي الداعى ۋاقىتتا بۇدان دا ۋشىعا تۇسەدى دەيدى.

سەبەبى شيپالى كول جىل سايىن ءبىر مەترگە تومەندەپ بارادى. جارتى جىل بۇرىن عانا تۋريستەرگە تولى بولعان جاعاجايلار قازىر سورتاڭعا اينالعان.

جاعالاۋعا اينالا «ابايلاڭىز، توپىراق وپىرىلىپ كەتۋى مۇمكىن!» دەگەن ەسكەرتۋلەر جازىلعان. گاي دۋنەنفەلد، تامار وكرۋگىنىڭ باس ينجەنەرى:

- ءبىز بۇرىنعى «ەين گەدي» كۋرورتىنىڭ ورنىندا تۇرمىز. بۇل جەردەگى ءومىر قىزىپ جاتاتىن. ال قازىر بۇل ماڭدا تۇك جوق. عيماراتتار جەرمەن- جەكسەن بولىپ، ەلەكتر جەلىلەرى ۇزىلگەن. سۋ قۇبىرى دا قيراعان.

كەيبىر شۇڭقىرلاردىڭ ۇلكەندىگى سونشالىق، ولارعا 2 قاباتتى ءۇي سىيىپ كەتەدى. مۇندا ءتىپتى قالپىنا كەلتىرۋ جۇمىسىن جۇرگىزۋى ءتيىس جۇمىسشىلاردىڭ ءوزى كەلۋگە قورقادى. بۇرىن تەڭىزگە قۇياتىن يوردان وزەنى قازىر مۇندا مۇلدە جەتپەيدى. ونىڭ سۋىن ورتا جولداعى اۋىلشارۋاشىلىق كاسىپورىندارى ءوز قاجەتىنە پايدالانادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى