الماتى تاۋلارىنا عاشىق بولدىم - وليمپياداعا ارگەنتينادان كەلگەن قاتىسۋشى

«ەلدەرىڭىزگە ءبىر كورگەننەن عاشىق بولدىم. قازاقستاننىڭ مادەنيەتى، تابيعاتى ارگەنتينامەن ۇقساس دەپ سانايمىن. ەگەر قازاقستانعا تاعى ءبىر رەت كەلۋ مۇمكىندىگى تۋىنداسا، مۇدىرمەي كەلىسەمىن»، - دەدى ول.

ارگەنتينالىق وقۋشى مەدەۋ مەن شىمبۇلاققا جاساعان ەكسكۋرسيانىڭ بارىسىندا ونىڭ توبىن تاۋ پەيزاجى ەرەكشە اسەردە قالدىرعانىن قوسىپ ايتتى.

«تاۋلاردى وتە قاتتى جاقسى كورەمىن، ءوزىم شاڭعى تەبەمىن. الماتى تاۋلارىنا عاشىق بولدىم. ونى سۋرەتكە كوپ ءتۇسىردىم، ولاردى ارگەنتيناداعى دوستارىما كورسەتكىم كەلەدى. مۇمكىن بولاشاقتا وسىندا بىرگە كەلەرمىز»، - دەپ ءبولىستى جوسپارلارىمەن م. رەديگوندا.

ەسكە سالا كەتەيىك، وسى كۇندەرى الماتىدا ينفورماتيكادان XXVII حالىقارالىق وليمپيادا ءوتىپ جاتىر. وعان الەمنىڭ 83 ەلىنەن كەلگەن 324 وقۋشى قاتىسۋدا.

 بۇگىن قاتىسۋشىلار ءبىرىنشى ەكسكۋرسياعا شىقتى: بالالار «مەدەۋ» سپورت كەشەنى، شىمبۇلاق تاۋ- شاڭعى كەشەنى جانە قازاق مەملەكەتتىك سيركىنە باردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى