ماكەدونيالىق وقۋشى الماتىنى تانىمال ەۋروپالىق شيپاجايعا تەڭەدى - فوتو
«بۇگىن بۇكىل توبىمىزبەن مەدەۋگە باردىق. ول جەردەن تاۋلار قالاي تاماشا كورىنەدى. سىزدەر ونىمەن ماقتانا الاسىزدار. ءوزىمىزدى ەۋروپالىق شيپاجايدا بولعانىمىزداي سەزىندىك. باعدارلاما قىزىقتى، ۇيىمداستىرۋشىلارعا از ۋاقىتتىڭ ىشىندە قانشاما ادەمى جەرلەرگە بارىپ جۇرگەنىمىز ءۇشىن العىسىمدى بىلدىرگىم كەلەدى. وليمپيادانىڭ ماڭگىلىك ەسىمىزدە قالاتىنىنا سەنىمدىمىن»، - دەدى وقۋشى.
«بىزگە بارلىق جاعىنان كومەك بەرىپ جۇرگەن ەرىكتىلەر توبىنداعى قازاقستاندىق قىز- جىگىتتەرگە ۇلكەن العىسىمدى بىلدىرگىم كەلەدى. ولار بىزگە باس- كوز بولىپ قانا قويماي، قامقورلىعىن دا تانىتىپ ءجۇر. بۇدان بولەك، ولار قاتتى تولقىعان كەزىمىزدە قولداۋ كورسەتىپ، ازىلدەپ، كوڭىلىمىزدى كوتەرۋگە تىرىسادى. بۇل وتە قۋانتادى»، - دەدى ك. سەرافيموۆ.
وسى كۇندەرى الماتىدا ينفورماتيكادان XXVII حالىقارالىق وليمپيادا ءوتىپ جاتىر. وعان الەمنىڭ 83 ەلىنەن كەلگەن 324 وقۋشى قاتىسۋدا.
بۇگىن قاتىسۋشىلار ءبىرىنشى ەكسكۋرسياعا شىقتى: بالالار «مەدەۋ» سپورت كەشەنى، شىمبۇلاق تاۋ- شاڭعى كەشەنى جانە قازاق مەملەكەتتىك سيركىنە باردى.
