پاۆلودارلىق تۇلەك حيميا ءپانى بويىنشا دۇنيەجۇزىلىك وليمپيادادا التىن مەدال يەلەندى

ازەربايجان استاناسى باكۋ قالاسىندا وتكەن وليمپيادادا 75 ەلدەن كەلگەن 300 گە جۋىق وقۋشى ءبىلىم سىناستى.

قابىلدا ءادىل 2015 -جىلى وتكەن رەسپۋبليكالىق وليمپيادانىڭ حيميا ءپانى بويىنشا التىن مەدال، ماسكەۋ جانە ەريەۆان قالالارىندا وتكەن حالىقارالىق مەندەلەيەۆ وليمپياداسىنىڭ ەكى مارتە كۇمىس مەدال جانە ۆەتنام ەلىنىڭ استاناسى حانوي قالاسىندا وتكەن 46 -دۇنيەجۇزىلىك وليمپياداسىنىڭ كۇمىس مەدال يەگەرى اتانعان بولاتىن.

وقۋشىسىنىڭ جەڭىسى ونىڭ ۇستازى، حيميا ءپانىنىڭ مۇعالىمى، م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ تۇلەگى وردابايەۆ الماسقا ورتاق. دارىندى ۇستاز وقۋشىلارىن ءتۇرلى زياتكەرلىك جارىستاردا 49 مارتە جەڭىسكە جەتكىزگەن. ونىڭ ىشىندە: 26 - وبلىستىق، 13 - رەسپۋبليكالىق جانە 10 - حالىقارالىق دارەجەدە. الماس وردابايەۆتىڭ ءوزى حيميا ءپانى بويىنشا حالىقارالىق وليمپيادالار مەن سايىستاردىڭ بىرنەشە مارتە جۇلدەگەرى.

ءادىلدىڭ زياتكەرلىك جەتىستىكتەرى - عىلىممەن اينالاسۋداعى ارمانىنىڭ العاشقى باستاماسى. بۇگىندە ول ت م د ەلدەرىنىڭ كەز كەلگەن جوعارعى وقۋ ورنىنا ەمتيحانسىز قابىلدانۋ مۇمكىندىگىنە يە. سونداي- اق ءادىل م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى گرانتىنىڭ يەگەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى