قىتايدا سوتتالعان اقجارقىن تۇرلىبايدى نيگەريالىق مافيا الداعان بولىپ شىقتى
بۇل تۋرالى Tengrinews.kz تىلشىسىنە CARІCC اقپاراتتىق- ساراپتامالىق بولىمشەسىنىڭ جەتەكشىسى امانجول ورازبايەۆ ايتىپ بەردى.
ەسىرتكى پسيحوتروپتىق زاتتاردىڭ جانە ولاردىڭ پرەكۋرسورلارىنىڭ زاڭسىز اينالىمىمەن كۇرەس جونىندەگى ورتاازيالىق ايماقتىق اقپاراتتىق ۇيلەستىرۋ ورتالىعى بىرنەشە جىل بويى حالىقارالىق «قارا قىزعالداق» اتتى وپەراتسيا جۇرگىزىپ كەلە جاتىر. نيگەريالىق ناركومافيانىڭ قازاقستاندىق قىزدى عانا ەمەس، قىرعىزستان مەن رەسەيدىڭ دە ازاماتتارىن الداپ كەلگەنى بەلگىلى بولدى.
2015 -جىلدىڭ 24 -ماۋسىمىندا اقپارات قۇرالدارى ترانسۇلتتىق ەسىرتكى توپتارى تۋرالى ءبىرقاتار دەرەكتەر كەلتىردى.
بۇل جولى ەسىرتكىگە قارسى كۇرەس جونىندەگى پوليتسيا قىزمەتكەرلەرى قۇنى 200 ميلليون رۋبل بولاتىن 30 كەلى كوكايندى تايلاندقا تاسىمالداماق بولعان توعىز ادامدى ۇستادى. ولاردىڭ ىشىندە نيگەريالىق لەنتس ەسىمدى ەر ادام دا بار. تايلاندا تۇراتىن ول بىرنەشە عيماراتقا دا يەلىك ەتكەن. "روسسييسكايا گازەتا" باسىلىمىنىڭ حابارلاۋىنشا، لەنتس تايلاندقا كوكاين جەتكىزەتىن ۇيىمدارعا دا جەتەكشىلىك ەتكەن. ول وزىنە قۇربان ەتىپ تۇرمىسقا شىقپاعان، تايلاندقا دەمالۋعا بارعانداردى تاڭداپ وتىرعان. كەيبىرىنە ءتىپتى وزىنە تۇرمىسقا شىعۋعا ۇسىنىس تا جاساپتى.
ورازبايەۆتىڭ ايتۋىنشا، بىرنەشە ۋاقىتتان كەيىن ول قىزداردان سومكەنى ءبىر جەرگە جەتكىزۋدى سۇرايدى ەكەن.
دەگەنمەن ولار اۋەجايدا ۇستالعان كەزدە عانا قۇربان بولعاندارىن بىلەدى. ونىڭ الداۋىنا جىبەك ساكەيەۆا، اناستاسيا يايچنيكوۆا، اقجارقىن تۇرلىباي، ماريا داپيركا، سۆەتلانا كولبايەۆا، شوۆكاتبەك يۋسۋپجانوۆ، سەمەن سوبول، شولپان شايىمبەتوۆا تۇسكەن. ولاردىڭ كوبى كوپ جىلعا باس بوستاندىعىنان ايىرىلدى.
جىبەك ساكەيەۆا. الەۋمەتتىك جەلىدەن الىنعان سۋرەت.
ماريا داپيركا. الەۋمەتتىك جەلىدەن الىنعان سۋرەت.
اناستاسيا يايچنيكوۆا.
اقجارقىن تۇرلىباي. الەۋمەتتىك جەلىدەن الىنعان سۋرەت.
رەسەيلىك اقپارات قۇرالدارىنىڭ مالىمەتىنشە، لەنتس مامىر ايىنىڭ باسىندا قولعا ءتۇستى. ونىڭ ءۇيىن تەكسەرۋ بارىسىندا پاتەرىنەن ەسىرتكى تاسىمالى كەزىندە ۇستالعانداردىڭ قۇجاتتارى، سونىمەن قاتار تەرگەۋگە قاجەتتى بىرنەشە قۇجاتتار تابىلعان. قازىرگى ۋاقىتتا تايلاند كورولدىگىندە ترانسۇلتتىق ۇيىمداسقان قىلمىستىق توپتىڭ باسقا دا مۇشەلەرىن جەدەل ىزدەستىرۋ شارالارى جۇرگىزىلىپ جاتىر.
ەسكە سالا كەتەيىك، ماۋسىم ايىندا اقجارقىن تۇرلىباي قىتايدا ءومىر بويىنا باس بوستاندىعىنان ايىرىلدى. كەيىن قورعاۋشى تاراپ ۇكىمگە شاعىم تۇسىرەتىندەرىن ايتتى، دەگەنمەن شاعىمدى قاراۋ جارتى جىلعا سوزىلادى. اقجارقىننىڭ ادۆوكاتى قازاقستاندىق قىزدىڭ ءوزىن جاقسى سەزىنەتىنىن، دەنساۋلىعىنىڭ دا جاقسى ەكەندىگىن ايتتى. كەيىن ق ر س ءى م قىزدى وتانىنا ەكستراداتسيالاۋعا مۇمكىندىك جوق ەكەنىن مالىمدەدى. 20 جاستاعى ازاماتشا اقجارقىن تۇرلىباي ەسىرتكى زاتتارىن تاسىمالدادى دەگەن كۇدىكپەن ۇستالعان بولاتىن. ول 2014 -جىلدىڭ ناۋرىز ايىندا گۋاڭجوۋ اۋەجايىندا ۇستالدى، ول مالايزياعا ۇشىپ كەتپەكشى بولعان. قىزدىڭ جۇگىنەن ەسىرتكى زاتتارى تابىلدى.
