شىمكەنتتە مەملەكەتتىك تۋدى قورلاعاندارعا قاتىستى سوت ۇكىمى شىقتى
سوتتالۋشىلار ت. ءبيبولات پەن گ. قالدىبايەۆا 11 -ماۋسىم كۇنى ساعات 16:00 شاماسىندا «بەك- اسىل سەرۆيس» ج ش س- ىنە تيەسىلى م. سايلاۋبايەۆتىڭ باسقارۋىنداعى «Dong Feng» ماركالى، قوقىس جينايتىن اۆتوكولىگىمەن شىمكەنت قالاسى ع. يليايەۆ كوشەسىندە ورنالاسقان قوقىس كونتەينەرىنىڭ جانىنا كەلەدى.
ولار اۆتوماشينادان ءتۇسىپ، قوقىس كونتەينەرىندەگى قوقىستاردى سالىپ جاتقانىندا، اق ءتۇستى پاكەتكە سالىنعان قازاقستان رەسپۋبليكاسىنىڭ مەملەكەتتىك تۋىن تاۋىپ الادى. سودان ولار تۋدى جەرگە توسەپ، وعان قوقىس سالىپ، كولىككە ارتا باستاعان.
«سونىمەن، ت. ءبيبولات پەن گ. قالدىبايەۆا قازاقستان رەسپۋبليكاسى قىلمىستىق كودەكسىنىڭ 372-بابىمەن كوزدەلگەن قىلمىس جاساعان، ياعني قازاقستان رەسپۋبليكاسىنىڭ مەملەكەتتىك تۋىن قورلاعان. شىمكەنت قالاسى ءال- فارابي اۋداندىق سوتىنىڭ 08.07.2015 -جىلعى ۇكىمىمەن ت. بيبولات پەن گ. قالدىبايەۆا قازاقستان رەسپۋبليكاسى قىلمىستىق كودەكسىنىڭ 372-بابىمەن كىنالى دەپ تانىلىپ، ولاردىڭ ءارقايسىسىنا وسى باپ بويىنشا 100 ايلىق ەسەپتىك كورسەتكىش، ياعني 198200 تەڭگە مولشەردە ايىپپۇل سالۋ جازاسى تاعايىندالعان»، دەلىنگەن حابارلامادا.
