قازاقستاندا ەڭ جوعارى جالاقى - ماڭعىستاۋ وبلىسىندا

 اتاۋلى جالاقى يندەكسى 2014 -جىلعى 2 - توقسانعا 102,9 پايىزدى، ال ناقتى جالاقى يندەكسى 98,6 پايىزدى قۇرادى. بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنەن حابارلاندى.

سالالىق قۇرىلىمدا ەڭ ۇلكەن اتاۋلى جالاقى كەن ءوندىرۋ ونەركاسىبى مەن كارەرلەردى قازۋدا - 250,7 مىڭ تەڭگە (ورتاشا رەسپۋبليكالىق دەڭگەيدەن 2,0 ەسەگە استى) ، كاسىبي، عىلىمي جانە تەحنيكالىق قىزمەتتە - 229,9 مىڭ تەڭگە (1,9 ەسەگە استى) ، قارجى جانە ساقتاندىرۋ قىزمەتىندە - 229,6 مىڭ تەڭگە (1,8 ەسەگە استى) ، اقپارات جانە بايلانىس سالاسىندا - 193,1 مىڭ تەڭگە (1,6 ەسەگە استى) ، كولىك جانە قويمالاۋ سالاسىندا - 157,3 مىڭ تەڭگە (1,3 ەسەگە استى) بەلگىلەنگەن. ال ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 69,6 مىڭ تەڭگە، بۇل ەل بويىنشا ورتا كورسەتكىشتەن 44,0 پايىزعا تومەن.

«ءبىلىم بەرۋ سالاسىندا ورتاشا جالاقى دەڭگەيى 84,4 مىڭ تەڭگەنى قۇرايدى، بۇل رەسپۋبليكا بويىنشا ورتا كورسەتكىشتەن 32,0 پايىزعا تومەن. ال وڭىرلىك بولىنىستە ەڭ جوعارعى جالاقى مانعىستاۋ وبلىسىندا بەلگىلەندى - 217,3 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,7 ەسەگە اسادى. جامبىل وبلىسىندا مۇنىڭ شاماسى 85,2 مىڭ تەڭگەنى قۇراپ، رەسپۋبليكا بويىنشا ورتاشا دەڭگەيدەن 31,4 پايىزعا تومەن ەكەنى بەلگىلەندى» ، دەلىنگەن باسپا ءسوز بايانىندا.

اۆتور: قانات مامەتقازى ۇلى 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى