اسا اۋىر قىلمىستار جاساعانى ءۇشىن ىزدەۋدە بولعان قازاقستاندىق تايلاندتان قازاقستانعا جەتكىزىلدى
37 جاسار پارمانوۆ 2010 -جىلى توپ قۇرامىندا پايداكۇنەمدىك نيەتپەن، اسا قاتىگەزدىكپەن ادام ءولتىرۋ، قاراقشىلىق، زورلاۋ، اۆتوكولىكتى ايداپ كەتۋ جانە بوتەن بىرەۋدىڭ مۇلكىن جويعانى ءۇشىن ايىپتالۋدا.
بۇگىن ەلىمىزدىڭ باس پروكۋراتۋراسى جانە ىشكى ىستەر مينيسترلىگىنىڭ قىزمەتكەرلەرى سىرتقى ىستەر مينيسترلىگىنىڭ قولداۋىمەن قىلمىستىق جاۋاپكەرشىلىككە تارتۋ ءۇشىن ازامات پارمانوۆتى قازاقستانعا الىپ كەلدى. ول الماتى قالاسى ءى ءى د- نىڭ تەرگەۋ وقشاۋلاعىشىنا قامالدى.
