يراك ۇكىمەتى توتەنشە جاعدايعا بايلانىستى ءتورت كۇندىك دەمالىس جاريالادى
بۇل تۋرالى جەرگىلىكتى ب ا ق كوزدەرىنە سىلتەمە جاساعان اسسوشيەيتەد پرەسس اگەنتتىگى حابارلايدى.
دەمالىس بەيسەنبى كۇنى باستالادى. بۇل ەلدىڭ بيلىك كوزدەرىنىڭ ءبىر ايدىڭ ىشىندە جوعارى اۋا تەمپەراتۋراسى سالدارىنان جاريالاپ وتىرعان ەكىنشى جاعداي. بۇعان دەيىن جۇرت 16-شىلدە كۇنى جۇمىستان بوساتىلدى: سول كۇنى بانكتەر مەن قۇقىق قورعاۋ ورگاندارىنان باسقا بارلىق مەملەكەتتىك مەكەمەلەر ءۇشىن دەمالىس جاريالانعان.
اپتاپ ىستىق يراك ءۇشىن قالىپتى جاعداي بولىپ تابىلادى، بۇل رەتتە ەلەكتر جارىعى مەن سۋدىڭ ءجيى ءوشىرىلۋى جەرگىلىكتى تۇرعىنداردىڭ تىرشىلىگىن قيىنداتىپ، ءتۇرلى مەكەمەلەردىڭ قىزمەتىنە كەرى اسەرىن تيگىزىپ وتىرادى.
