استانادا جاستار كاسىپكەرلىگىن نەسيەلەۋ باعدارلاماسى جۇزەگە اسىرىلا باستادى

جوبانى جۇزەگە اسىرۋعا «دامۋ» قورىنان (300 ميلليون تەڭگە) جانە استانالىق اكىمدىكتەن (300 ميلليون تەڭگە) قاراجات ءبولىندى.

«باعدارلاماعا استانا قالاسىندا جوبالارىن ىسكە اسىراتىن 29 جاسقا دەيىنگى ءىسىن جاڭادان باستاعان جاس كاسىپكەرلەر قاتىسا الادى. نەسيەنىڭ ەڭ جوعارى مولشەرى - 20 ميلليون تەڭگە. نەسيەنى بار بولعانى جىلدىعى %7 جەڭىلدەتىلگەن مولشەرلەمەمەن الۋعا بولادى. جەڭىلدەتىلگەن مولشەرلەمەدەن باسقا، اتالعان باعدارلاماعا ءىسى بويىنشا سالالىق شەكتەۋسىز جاس كاسىپكەرلەردىڭ جوبالارى قاتىسا الادى»، دەلىنگەن حابارلامادا.

قازىرگى ۋاقىتتا سەرىكتەس بانكتەر - جيناقبانكى، ازياكرەديت بانك جانە KassA Nova بانكىمەن نەسيەلىك شارتتارعا قول قويۋلار جۇرگىزىلۋدە.

تولىق اقپاراتتى استانا قالاسىنداعى كاسىپكەرلەرگە قىزمەت كورسەتۋ ورتالىعىنان مىنا مەكەن- جاي بويىنشا الۋعا بولادى: قاجىمۇقان كوشەسى، 8 A، 1 قابات نەمەسە سەرىكتەس بانكتەردىڭ فيليالدارىنان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى