قۇداي كىمنىڭ قانداي جولدى تاڭدارىن الدىن- الا بىلەتىن بولسا، ادامدى جاراتۋدىڭ نە كەرەگى بار ەدى؟

ءبىزدى جاراتۋداعى وزىندىك ءمان- ماعىناسى بارى انىق[1]. ەكىنشىدەن - اللا تاعالا - حاكيم، ياعني، اسا دانا.

ءاربىر ىسىندە دانالىق بار. ادام بالاسىن روبوت ەتىپ جاراتۋدى قالاماي، وعان سانا جانە تاڭداۋ ەركىندىگىن بەردى. بۇندا دا دانالىعىنىڭ كورىنىسىن بايقاۋ قيىن ەمەس.

ەندەشە، اق پەن قارانى ايىرىپ، ءوز جولىن تاڭداي الاتىن ادامنىڭ ءيا دۇرىس جولدى، ءيا بولماسا بۇرىس جولدى تاڭدارى زاڭدى.

ەندىگى سۇراق: قۇداي تاعالا بولاشاقتى بىلەدى مە؟ بۇنىڭ جاۋابى بەلگىلى. ويتكەنى، قۇدىرەتى كۇشتى جاساعان يە قيامەت قايىمعا دەيىن نە بولارىن ءبىلۋى ءتيىس. ەگەر دە، بولاشاقتى بىلمەيدى دەسەك، «ءبارىن ءبىلۋشى ەمەس» دەگەن بولامىز. ءبارىن بىلمەيتىندى قالايشا قۇدىرەتى كۇشتى قۇداي دەۋگە بولادى؟

 دەمەك، اللا تاعالانىڭ بولاشاقتا كىمنىڭ كاپىر، كىمنىڭ مۇسىلمان بولارىن ءبىلۋى ورىندى. جانە بارلىق نارسە اللانىڭ الدىن- الا بىلگەنىنە ساي پايدا بولادى. وسى تۇرعىدا مىنا نارسەنى ۇمىتپاۋ كەرەك، اللا تاعالانىڭ الدىن- الا ءبىلۋى ءبىزدى سول ءىستى ىستەۋگە ماجبۇرلەمەيدى.

قورىتىندى:

اللا تاعالا ادامدى جاراتار كەزدە پەرىشتەلەرگە: «شىنىندا، مەن جەر بەتىنە ءبىر ورىنباسار جاراتامىن»، - دەدى. پەرىشتەلەر: «وندا بۇزاقىلىق ىستەپ، قان توگەتىندى جاراتاسىڭ با؟ ءبىز سەنى پاكتەپ، دارىپتەپ، ماقتاۋدامىز»، - دەپ سۇرايدى. سوندا جاراتۋشى يەمىز: «ءسوزسىز، مەن سەندەر بىلمەيتىن نارسەلەردى بىلەمىن»، - دەپ جاۋاپ بەرەدى[2].

ءبىزدىڭ كىم بولارىمىزدى، قانداي جولدى تاڭدارىمىزدى جاراتۋشىمىزدىڭ الدىن- الا بىلەتىندىگى داۋسىز. ءبىراق، كىمنىڭ كىم بولارىن بىلسە دە نەگە جاراتقاندىعىن اشىپ ايتپادى. سوندىقتان، بۇعان جاۋاپ ىزدەپ، باستى قاتىرعانشا، وزىمىزگە جۇكتەلگەن ءدىن بۇيرىقتارىن كامىل تۇردە ورىنداۋعا كوبىرەك ءمان بەرگەنىمىز دۇرىس.

ويتكەنى، ىستەگەن ىستەرىمىز ءۇشىن جاۋاپقا تارتىلاتىن ءبىزبىز، قۇداي ەمەس. قۇراندا: «ول، ىستەگەندەرىنەن سۇرالمايدى. ولار سۇرالادى»، - دەلىنگەن[3].

[1] ءالي يمران سۇرەسى، 190-191 اياتتار.

[2] باقارا سۇرەسى، 30-ايات.

[3] ءانبيا سۇرەسى، 23-ايات.

ابدۋسامات قاسىم

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى