پاۆلودار وبلىسىنىڭ تۇرعىنى شەكارادان زاڭسىز وتكەنى ءۇشىن سوتتالدى
«اعىمداعى جىلدىڭ مامىر ايىندا تۇنگى ۋاقىتتا ايىپتالۋشى قازاقستان رەسپۋبليكاسىنىڭ لەسنوە اۋىلىنان رەسەيدىڭ كۋزنەتسوۆكا اۋىلىنا بەكىتىلگەن وتكىزۋ پۋنكتىنەن وزگە جەردەن زاڭسىز وتكەن»، - دەدى سوتتىڭ باسپا ءسوز قىزمەتىندە.
سونىمەن قاتار، ەر ادام 10 مىڭ تەڭگە ءۇشىن وزىمەن بىرگە قىرعىزستان ازاماتىنىڭ شەكارادان وتۋىنە كومەكتەسكەن.
ەكەۋىن دە فەدارالدىق قاۋىپسىزدىق قىزمەتى ومبى وبلىسى بويىنشا باسقارماسى شەكارا جاساعىنىڭ قىزمەتكەرلەرى ۇستادى.
سوت ۇكىمىمەن ايىپتالۋشى ق ر ق ك 1- ءبولىمى 392-بابىنا جانە 394-بابىنا سايكەس ايىپتى دەپ تانىلدى. ول ءبىر جىلعا باس بوستاندىعىنان ايىرىلدى.
