ن. نازاربايەۆ د س ۇ شارالارىنا جاڭا ءداستۇر ەنگىزدى - ك. براۋنەر
قازاقستاندىق ب ا ق وكىلدەرىنە سۇحبات بەرگەن د س ۇ باس ديرەكتورىنىڭ ورىنباسارى كارل براۋنەر وسىلاي ايتتى.
«د س ۇ كەلىسسوزدەرى بارىسىنىڭ ءوزى قازاقستان ءۇشىن بارىنشا ءتيىمدى بولدى. ۇيىمعا قوسىلۋ اياسىندا ەلدەرىڭىزدە ۇلكەن رەفورمالار ورىن الىپ، كوپتەگەن زاڭدار وزگەرتىلدى. ال ەندى د س ۇ باس كەڭەسى وتىرىسىنا قاتىستى ايتار بولسام، شارا ەرەكشە جاعدايدا ءوتتى. ۇيىمعا مۇشە ەلدەر مەملەكەتتى العاش رەت ءدال وسىنداي قوشەمەتپەن قاتارلارىنا قوسىپ وتىر. مۇنان بولەك، كانديدات ەلدىڭ پرەزيدەنتى دە ءىس- شاراعا قاتىسۋ ءۇشىن ارنايى العاش رەت كەلدى. بۇل ءداستۇر الداعى ۋاقىتتا دا ءوز جالعاسىن تاباتىندىعىنا سەنىم زور»، - دەدى ول.
ك. براۋنەر ءوز سوزىندە قازاقستاننىڭ مول تابيعي رەسۋرستارىنىڭ بولۋىنا قاراماستان شيكىزاتقا تاۋەلدىلىكتەن باس تارتىپ، ەكونوميكاسىن ءارتاراپتاندىرۋعا دەن قويىپ وتىرعاندىعىن باسا اتاپ ءوتتى.
«گەرمانيانىڭ ەكونوميكا ءمينيسترى بولعان كەزىمدە مەن قازاقستانمەن تىعىز بايلانىستا بولعان ەدىم. العاش رەت الماتىعا وسىدان 15 جىل بۇرىن باردىم. سوندىقتان سىزدەردىڭ ەلدەرىڭىزدىڭ الەۋەتىن شىنايى باعالاي الامىن. بىردەن ايتا كەتەيىن، سىزدەردىڭ دامۋ جولىندا بارلىق مۇمكىندىكتەرىڭىز بار. مەملەكەت باسشىلارىڭىزدىڭ دا رولىنە ايرىقشا اتاپ وتكىم كەلەدى. نۇرسۇلتان نازاربايەۆ كەلىسسوزدەر پروتسەسىنىڭ تابىستى اياقتالۋى ءۇشىن بارىن سالدى جانە جەكە ءوزى د س ۇ باس كەڭەسىنە قاتىسۋى ارقىلى جاڭا ءداستۇر قالىپتاستىردى»، - دەدى د س ۇ باس ديرەكتورىنىڭ ورىنباسارى.
سونىمەن قاتار ول قازاقستاننىڭ ۇيىمعا كىرۋى بارىسىندا د س ۇ مەن ە ا ە و نورمالارىن ۇيلەستىرۋدە قيىندىقتار تۋىنداعانىن اتاپ ءوتتى.
«ءبىراق، كەلىسسوزشىلەر بۇل مىندەتتى تابىستى اتقارىپ شىقتى. بۇل ەلدەر اراسىنداعى قارىم- قاتىناستا تەڭگەرىمدى ساقتاي وتىرىپ، ىمىرا جول ىزدەۋگە قابىلەتتى ەلگە، ياعني، قازاقستانعا عانا ءتان قاسيەت دەپ بىلەمىن. سىزدەر ىمىرا جول تاۋىپ، وڭ قارىم- قاتىناس ورناتا الاسىزدار. ال بۇل قازاقستاندىق ساياساتكەرلەرگە عانا ءتان ەرەكشەلىك»، - دەپ تۇيىندەدى ءسوزىن ك. براۋنەر.
ايتا كەتەيىك، كەشە دۇنيەجۇزىلىك ساۋدا ۇيىمى باس كەڭەسىنىڭ وتىرىسىنىڭ قورىتىندىسىندا ق ر پرەزيدەنتى نۇرسۇلتان نازاربايەۆ پەن د س ۇ باس ديرەكتورى روبەرتو ازيەۆەدو قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى حاتتاماعا قول قويعان ەدى.
