س. احمەتوۆتىڭ قىلمىستىق ءىسى بويىنشا كەلتىرىلگەن شىعىننىڭ ءبىر بولىگى مەملەكەتكە قايتارىلدى - فوتو
«كۇدىكتى س. ن. احمەتوۆتىڭ قىلمىستىق جاۋاپكەرشىلىگى مەن جازاسىن جەڭىلدەتەتىن جاعداي سوماسى 430 ملن تەڭگە كەلتىرىلگەن شىعىننىڭ ءىشىنارا ورنىن تولتىرۋ بولىپ تابىلادى»، - دەلىنگەن ايىپتاۋ قورىتىندىسىندا.
بار اقپاراتتارعا سايكەس بۇل سومانى قىلمىستىق ىسكە قاتىستىلاردىڭ ءبىرى س. احمەتوۆتىڭ ءىنىسى «ستال تسينك» ج ش س باسشىسى قايتاردى.
بۇل رەتتە، س. احمەتوۆتىڭ ادۆوكاتتارىنىڭ ءبىرى نيكواي لەسنيك مالىمدەگەندەي، ونىڭ قورعالۋشىسى ايىپتىڭ بىردە- ءبىر تارماقتارىن مويىندامايدى.
«قورعالۋشىنىڭ كىناسىزدىگىن دالەلدەيتىن وبەكتيۆتى فاكتىلەر مەن ءمان- جايلار بار، بۇل سوتتا مىندەتتى تۇردە قارالادى، كەيىن ءىستىڭ ناقتى ءمان- جايىن ەسكەرىپ، ءبىزدىڭ پىكىرىمىزدىڭ نەگىزدى ەكەنىن راستايدى، وعان كوزدەرىڭىز جەتەتىن بولادى»، - دەپ اتاپ ءوتتى ادۆوكات.
ەسكە سالا كەتەيىك، بۇگىن قاراعاندى وبلىسى مامانداندىرىلعان اۋدانارالىق سوتىندا بۇرىنعى پرەمەر- مينيستر سەرىك احمەتوۆ پەن سىبايلاس جەمقورلىق ءۇشىن ايىپتالىپ وتىرعان ايماقتىڭ بۇرىنعى جوعارى شەندى شەنەۋنىكتەرىنە قاتىستى قىلمىستىق ءىس بويىنشا الدىن الا تىڭداۋ باستالدى.
س. احمەتوۆكە جانە باسقا دا قاتىسۋشىلارعا قاتىستى قىلمىستىق ءىس قاراعاندى وبلىسىنىڭ مامانداندىرىلعان اۋدانارالىق سوتىنا 2015 -جىلعى 13 -شىلدەدە كەلىپ ءتۇستى. 14 -شىلدەدە ول تىركەلىپ، ءاربىر سوتتالۋشىعا ستاتيستيكالىق كارتوچكا اشىلدى. اۆتوماتتى تاسىلمەن قىلمىستىق ءىستى سۋديا يسلامحان ەسەنبايەۆ قارايتىن بولدى.
بۇعان دەيىن قاراعاندى وبلىستىق پروكۋراتۋراسى حابارلاعانداي، باقىلاۋ ورگانى بۇرىنعى پرەمەر- مينيستر س. ن. احمەتوۆكە، وبلىستىڭ ەكس- اكىمى ب. ت. ابدىشيەۆكە، قاراعاندى قالاسىنىڭ ەكس- اكىمى م. ا. سماعۇلوۆقا جانە باسقا دا بۇرىنعى شەنەۋنىكتەر مەن كاسىپكەرلەرگە قاتىستى قىلمىستىق ءىس ماتەريالدارىن زەردەلەۋدى اياقتادى.
سىبايلاس جەمقورلىق ءىسى بويىنشا بارلىعى 21 ادام تەرگەلۋدە. ولارعا قىزمەت بابىن اسىرا پايدالاندى، بيۋدجەت قاراجاتىن ۇرلادى جانە كاسىپكەرلىك قىزمەتكە زاڭسىز ارالاستى دەگەن ايىپتار تاعىلعان. س. احمەتوۆ سونداي-اق اسا ءىرى كولەمدە پارا الۋعا ايىپتالۋدا. قىلمىستىق ءىس ماتەريالدارى 300 تومنان اسادى.
تەرگەۋ نۇسقاسى بويىنشا، س. احمەتوۆ 1 ميلليارد تەڭگەدەن استام بيۋدجەت قاراجاتىن جىمقىرىپ، 2,4 ميلليون ا ق ش دوللارى كولەمىندە پارا الدى دەگەن كۇدىك بار.
