قىرعىزستاندا قارۋى مەن وق-دارىلەرى بار قازاقستاندىق ۇستالدى
بۇل تۋرالى قىرعىزستاننىڭ مەملەكەتتىك شەكارا قىزمەتىنىڭ ب ا ق جانە قوعاممەن بايلانىس ءبولىمى حابارلادى.
شەكارا قىزمەتىنىڭ مالىمەتىنشە، «كەنبۋلۋن- اۆتودوروجنىي» باقىلاۋ-وتكىزۋ بەكەتىندە قىرعىزستاندىق شەكاراشىلار 1 بىرلىك LOM- S ريەۆولۆەرىن، 98 دانا Hilti cal.5.6/16 پاترونىن جانە ريەۆولۆەردىڭ دىبىسىن باسقىش قۇرىلعىنى تاركىلەدى. قارۋ مەن وق-دارىلەر قازاقستان ازاماتىنىڭ Subaru Forester ماركالى اۆتوكولىگىن ءتىنتۋ بارىسىندا تابىلدى.
«ۇستالعان ازامات قىرعىزستاننان قازاقستانعا وتپەكشى بولدى. قازاقستان ازاماتىنا قاتىستى ءتيىستى قۇجاتتار تولتىرىلعاننان كەيىن ول قارۋ-جاراقتارمەن بىرگە قۇقىق قورعاۋ ورگاندارىنىڭ قىزمەتكەرلەرىنە تاپسىرىلدى»، - دەلىنگەن حابارلامادا.
