قازاقستان- بالا تۇركۆەزين حالىقارالىق ءان بايقاۋىنىڭ اقتىق سىنىنا قوستانايلىق قوس ءبۇلدىرشىن جولداما الدى - فوتو

بۇل جوبا قازاقتىڭ مۋزىكا ونەرىن دارىپتەپ، ەل ىشىنەن ساحنا ساڭلاعىنا اينالار قاس دارىندى ىزدەيدى. تانىمال ءانشى ايجان نۇرماعانبەتوۆا باستاعان تالىمگەرلەر «سايىستا كوزگە تۇسكەن تالانتتى جاس تاسادا قالمايدى» دەيدى. ايتسە دە، مىڭنان وزىپ شىعار تۇلپاردى استاناداعى اقتىق سىن انىقتاماق، دەپ حابارلايدى 24.kz.

 تالىمگەرلەر 5 ساعات بويى تاپجىلماي، توبىل تالانتتارىنىڭ ونەرىن تىڭدادى. ناتيجەسىندە قوستانايدان قوس ءبۇلدىرشىن ماشا كۋنشيكوۆا مەن ماۋلەن قادىروۆ استاناداعى اقتىق بايقاۋعا جولداما الدى. ولار دۋەت ورىندايتىن بولادى. باعى جانعان ماۋلەن بۇعان دەيىن دە بىرنەشە ءان جارىسىنا قاتىسىپ، تاجىريبە جيناعان.

«التى جاسىمنان باستاپ ولەڭ ايتامىن، ۆوكالعا قاتىسىپ ءجۇرمىن، ونەرلى اوتباسىنان شىققانمىن. الداعى ارمانىم - ءانشى بولۋ. بايقاۋعا «ءوز ەلىم» مەن «الاتاۋ» دەگەن اندەرمەن كەلگەنمىن. اتالعان اندەر مەنى جەڭىسكە جەتەلەيتىندىگىنە سەنگەنمىن»، - ونەر سايىسىنىڭ جەڭىمپازى ماۋلەن قادىروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى