قازاقستاندا تۇڭعىش رەت ينفورماتيكادان حالىقارالىق وليمپيادا وتەدى

الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا وتەتىن «ІОІ-2015 International olympiad in informatics» وليمپياداسىندا الەمنىڭ 80 نەن استام ەلىنەن 630 دان اسا دەلەگاتتار قابىلدانادى.

قازاقستان ينفورماتيكا پانىنەن حالىقارالىق وليمپيادانى وتكىزۋ قۇقىعىنا يە بولعان بەلارۋستەن كەيىنگى ەكىنشى مەملەكەت. ІОІ-2015 قازاقستاندا وتكىزۋ تۋرالى شەشىم 2012-جىلى يتاليادا حالىقارالىق وليمپيادا ۇيىمداستىرۋ كوميتەتىمەن قابىلداندى.

ІОІ-2015 ۇيىمداستىرۋشىلارى - قازاقستان رەسپۋبليكاسىنىڭ ءبىلىم جانە عىلىم مينيسترلىگى، «دارىن» رەسپۋبليكالىق عىلىمي-پراكتيكالىق ورتالىعى، ءال-فارابي اتىنداعى قازاق ۇلتتىق ۋنيۆەرسيتەتى. بۇل الەمدىك دەڭگەيدەگى ۇزدىك زياتكەرلىك اتاعىنا كۇش سىناساتىن الەمنىڭ ەڭ مىقتى جاس پروگرامميستەرىن جينايتىن سايىس.

ينفورماتيكادان ІОІ-2015 حالىقارالىق وليمپياداسىندا قازاقستان نامىسىن ينفورماتيكا پانىنەن ەۋرازيالىق وليمپيادانىڭ كۇمىس مەدال، حالىقارالىق وليمپيادانىڭ قولا مەدال، ماتەماتيكا، فيزيكا، ينفورماتيكا پاندەرى بويىنشا جاۋتىكوۆ وليمپياداسىنىڭ كۇمىس مەدال يەگەرى دانيار مامينوۆ؛ ينفورماتيكا پانىنەن ەۋرازيالىق وليمپيادانىڭ كۇمىس مەدال، ماتەماتيكا، فيزيكا، ينفورماتيكا پاندەرى بويىنشا جاۋتىكوۆ وليمپياداسىنىڭ كۇمىس مەدال يەگەرى مەيرامبەك ءومىرزاق؛ ينفورماتيكا پانىنەن ەۋرازيالىق وليمپيادانىڭ كۇمىس مەدال يەگەرى بەكجان بەكبولات ۇلى؛ ينفورماتيكا پانىنەن ەۋرازيالىق وليمپيادانىڭ كۇمىس مەدال يەگەرى التىباي نازاربەك قورعايتىن بولادى.

حالىقارالىق وليمپيادانىڭ اشىلۋ سالتاناتى 2015-جىلعى 27- شىلدە ساعات 15:00 دە الماتى قالاسى ءو. جولداسبەكوۆ اتىنداعى ستۋدەنتتەر سارايىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى