ەلوردادا تاياۋ كۇندەرى قوعامدىق كولىكتەردىڭ قوزعالىسىنا ارنالعان جەكە جولاقتار اشىلادى

بۇل تۋرالى قالالىق ءى ءى د باسپا ءسوز قىزمەتى حابارلادى.

ۆەدومستۆونىڭ حابارلاۋىنشا، بۇگىنگى كۇنى استانا قالالىق ءى ءى د اكىمشىلىك پوليتسيا باسقارماسى مەن «استانا ل ر ت» ج ش س جانە «س م ە ۋ-الماتى، استانا» ج ش س مەردىگەر كومپانيالارى بىرلەسىپ جولاقتاردى سىزۋ جانە جول بەلگىلەرىن قويۋ جۇمىستارىمەن اينالىسۋدا.

جوبانىڭ ءبىرىنشى كەزەڭى ابىلاي حان داڭعىلىنان باستاپ سارايشىق كوشەسىنە دەيىن ب. مومىش ۇلى داڭعىلى بويىمەن جانە ش. ءۋاليحانوۆ كوشەسىنەن سارى ارقا داڭعىلىنا دەيىن بوگەمباي داڭعىلى بويىمەن جاسالادى.

استانا ق. ءى ءى د ءا پ ب باسشىسىنىڭ ورىنباسارى ەلجان شوپەكوۆتىڭ ايتۋىنشا، اتالعان جولاقتا اۆتوبۋستاردى باسىپ وزۋعا نەمەسە جولىن كەسۋگە بولمايدى. «مۇنداي جولاقتاردى ىسكە قوسۋ جۇرگىزۋشىلەردىڭ ءتارتىبىن كۇشەيتىپ، كولىك اپاتتارىن ازايتۋعا جانە جالپى قوزعالىستىڭ قاۋىپسىزدىگىن ارتتىرۋعا كومەگىن تيگىزەدى»، - دەيدى ول.

«استانا LRT»  كومپانياسىنىڭ كولىك بويىنشا ديرەكتورى رۋستام حاليليەۆتىڭ ايتۋىنشا، اتالعان شارا قوعامدىق كولىكتەردىڭ تەزىرەك قوزعالۋىنا جانە ينتەرۆالىن 30 پايىزعا دەيىن قىسقارتۋعا، اۆتوبۋستاردىڭ ءجۇرۋ كەستەسىن قاتاڭ ساقتاۋعا، قالا كەپتەلىسىن ازايتۋعا سەپتىگىن تيگىزەدى.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى