اعاشتاردىڭ ادامداردى ەمدەي الاتىن قاسيەتى بار

بارسەلونداعى CREAL قورشاعان ورتا ەپيدەميولوگيالىق زەرتتەۋ ورتالىعىنىڭ عالىمدارىنىڭ ايتۋىنشا، ەكولوگيالىق تازا ايماقتا جانە تابيعاتپەن ۇندەسىپ وسكەن بالا زەرەك، ءارى ەستە ساقتاۋ قابىلەتى مىقتى بولادى ەكەن.

كانادادا عالىمداردىڭ جۇرگىزگەن ەكسپەريمەنتىندە اعاشتاردىڭ ادام ومىرىنە اسەرى قورىتىندىلاندى. ۇلكەن تورونتو اۋماعىندا وسىرىلگەن اعاشتاردى ساناپ، تۇرعىنداردىڭ ورنالاسۋ مەكەنىندەگى ۇلەسىن انىقتاعان. ناتيجەسىندە اعاش كوپ وتىرعىزىلعان اۋدان تۇرعىندارىن اۋرۋلار مازالاي قويمايتىندىعىن جانە مەديتسينالىق كومەككە اندا- ساندا عانا جۇگىنەتىندىگى انىقتالعان.

«كوپشىلىك ءوزىن قورشاعان تابيعاتقا نەمقۇرايلى قارايدى. مەن كوپ جىلدان بەرى قورشاعان ورتا تابيعاتىنىڭ ادام ميى مەن ءجۇرىس- تۇرىسىنا اسەرىن زەرتەۋمەن كەلەمىن» دەيدى ەكسپەريمەنتكە قاتىسۋشى، چيكاگو ۋنيۆەرسيتەتىنىڭ پسيحولوگ پروفەسسورى مارك گ. بەرمان.

مامانداردىڭ ايتۋىنشا، ءبىر اعاش جىلىنا 4,5 ك گ ءارقيلى زياندى لاستانۋدى سىڭىرە الادى. سونداي- اق، سشا (U. S. Forest Service) ورمان قىزمەتى قىزمەتكەرلەرىنىڭ ايتۋىنشا، اعاشتار ادامداردى 670 مىڭ تىنىس جولى كۇردەلى ۆيرۋستىق ينفەكتسيالاردان زاقىمدانۋدى ساقتايدى.

ايا ءومىرتاي

 Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى