سولتۇستىك كورەيا يرانمەن جاسالعانداي يادرولىق كەلىسىم كەرەك ەمەس دەپ مالىمدەدى
سولتۇستىك كورەيا سىرتقى ىستەر مينيسترلىگىنىڭ 21 - شىلدەدە حابارلاۋىنشا، پحەنياننىڭ يادرولىق باعدارلاماسى ا ق ش- تىڭ سولتۇستىك كورەياعا قاتىستى سىرتقى ساياساتىن «بارىنشا تەجەۋدى» ماقسات ەتەدى.
«سولتۇستىك كورەيا - اتى دا زاتى دا يادرولىق دەرجاۆا جانە يادرولىق دەرجاۆا رەتىندە ءوز مۇددەلەرى بار» دەيدى مينيسترلىك.
ا ق ش پەن رەسەي، قىتاي، ۇلى بريتانيا، فرانسيا جانە گەرمانيا 14 - شىلدەدە يرانمەن تەگەراننىڭ يادرولىق باعدارلاماسىن ۇزاق ۋاقىتقا شەكتەپ، ەسەسىنە بۇل ەلگە سالىنعان ەكونوميكالىق سانكسيالاردىڭ بىرتىندەپ الىنۋىن كوزدەيتىن كەلىسىم جاساسقان.
سولتۇستىك كورەياعا دا يادرولىق جانە بالليستيكالىق زىمىران باعدارلامالارىنا قاتىستى ب ۇ ۇ، ا ق ش جانە ەۋروپا وداعى ەكونوميكالىق سانكسيالار سالعان.
«ازاتتىق»
