كادەت كورپۋسىنا ءتۇسۋدى جاس تۇلەكتەردىڭ كوبىسى ارماندايدى

 ولاردىڭ 283 ءبىرىڭعاي ۇلتتىق تەستىلەۋ ەمتيحانىن تاپسىرىپ، 153 كەشەندى تەستىلەۋگە دايىندىق ۇستىندە. اعىمداعى جىلدىڭ 26 - شىلدەسىنە دەيىن 30 نەمەسە ودان جوعارى بالل جيناعان ۇمىتكەرلەر ىرىكتەۋدىڭ كەلەسى كەزەڭدەرىنەن ءوتۋ ءۇشىن كادەت كورپۋسىنا جىبەرىلدى.

 باستاپقىدا كاسىبي- پسيحولوگيالىق ىرىكتەۋ، نورماتيۆتى دەنە دايارلىعىنان ءوتۋ، سودان كەيىن مەديتسينالىق كۋالاندىرۋ، جاس جاۋىنگەردىڭ كۋرسى جانە سوڭعى كاسىبي- پسيحولوگيالىق ىرىكتەۋدەن وتكەن ساربازدار وقۋ ورنىنا قابىلدانادى. ءار كەزەڭنەن وتۋگە ءبىر مۇمكىندىك بەرىلەدى.

 ش. ءۋاليحانوۆ اتىنداعى ق ر ق م كادەت كورپۋسى - كىشى كوماندالىق قۇرامداعى بىلىكتى اسكەري كادرلاردى دايارلايتىن وقۋ ورنى. كادەتتەردى وقىتۋ باعدارلاماسى ەكى جىلدان تۇرادى. ءبىرىنشى كۋرستا اسكەري ءىستىڭ نەگىزدەرىن جانە ماماندىق بويىنشا پاندەردى زەردەلەيدى، ال ەكىنشى كۋرستا - اسكەري تاجىريبە جيناقتاۋعا كىرىسەدى. وقۋدى بىتىرگەننەن كەيىن كادەتتىكتەرگە «اسكەري باسقارۋ» ماماندىعى بويىنشا «اسكەري باسقارۋدىڭ كىشى مامانى» (مەنەدجەر)» بىلىكتىلىگىمەن قوسا 3- سىنىپتى جاياۋ اسكەرلەر اسكەري كولىگىنىڭ مەحانيك- جۇرگىزۋشىسى جانە «ب» جانە «س» ساناتتارى بويىنشا اۆتوكولىك جۇرگىزۋشىسى كۋالىگى بەرىلەدى.

 قازىرگى تاڭدا وقۋ ورنى تۇلەكتەرى ءتۇرلى بولىمدەر مەن بولىمشەلەردە قارۋلى كۇشتەردىڭ باس سەرجانتىنان باستاپ بولىمشە كومانديرلەرىنە دەيىنگى لاۋازىمداردا اسكەري قىزمەتىن ءساتتى اتقارىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى