استانا حالقىنىڭ سانى ارتتى

جىل باسىمەن سالىستىرعاندا استانا قالاسى حالقىنىڭ جالپى سانى 9086 ادامعا، سونىڭ ىشىندە «الماتى» اۋدانى بويىنشا - 1002 ادامعا، «ەسىل» اۋدانى بويىنشا - 4621 ادامعا، «سارى ارقا» اۋدانى بويىنشا 3463 ادامعا كوبەيدى.

2015-جىلعى قاڭتار-مامىردا حالىقتىڭ تابيعي ءوسىمى 8530 ادامدى، كوشى-قون ءوسىمى 556 ادامدى قۇرادى.

2015-جىلعى قاڭتار-مامىردا استانا قالاسى بويىنشا تۇتاستاي العاندا 10128 ءسابيدىڭ تۋعانى تىركەلدى، بۇل وتكەن جىلعى سايكەس كەزەڭمەن سالىستىرعاندا 5,6 پايىز كوپ. سونىمەن قاتار، حالىقتىڭ تابيعي ءوسىمى وتكەن جىلعى قاڭتار-مامىرمەن سالىستىرعاندا 4,9 پايىز ارتىپ، 8530 ادامدى قۇرادى.

وسى كەزەڭ ىشىندە قالادا 1598 ادام قايتىس بولدى، بۇل 2014-جىلعى قاڭتار-مامىرداعى كورسەتكىشتەن 9,2 پايىز ارتىق.

2015-جىلعى قاڭتار-مامىردا 1 جاسقا دەيىنگى 85 نارەستەنىڭ شەتىنەگەنى تىركەلدى، بۇل 2014-جىلعى سايكەس كەزەڭگە قاراعاندا 19 وقيعاعا كوپ. سابيلەر ءولىم-ءجىتىمىنىڭ كوەففيتسيەنتى 8,39 (2014-جىلعى قاڭتار-مامىردا - 6,88) قۇرادى.

حالىقتىڭ ءولىم سەبەپتەرىنىڭ نەگىزگى توپتارىنىڭ اراسىندا ەڭ ۇلكەن ۇلەس سالماقتى، ادەتتەگىدەي، قان اينالىمى جۇيەسى اۋرۋلارى - 35,9 پايىز، جاڭا وسكىن - 20,3 پايىز، تىنىس الۋ ورگاندارىنىڭ اۋرۋلارى - 11,4 پايىز جازاتايىم وقيعالار، ۋلانۋ جانە جاراقاتتانۋ 11,4 پايىز الادى.

2015-جىلعى قاڭتار-مامىردا ا ح ا ت ورگاندارىندا تىركەلگەن نەكەلەسۋلەر سانى وتكەن جىلعى سايكەس كەزەڭمەن سالىستىرعاندا 0,4 پايىز، اجىراسۋلار سانى 10,3 پايىز ءوستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى