قاراعاندى ءوڭىرى ورازا ايت مەرەكەسىن اتاپ ءوتتى - فوتو
تاڭعى ايت نامازىنىڭ الدىندا قاراعاندى وبلىسىنىڭ اكىمى نۇرمۇحامبەت ابدىبەكوۆ قاراعاندى جۇرتىن ورازا ايت مەرەكەسىمەن قۇتتىقتاپ، دىنىمىزگە كۇش- قۋات، ەلىمىزگە اماندىق تىلەدى.
ق م د ب- نىڭ قاراعاندى ءوڭىرى بويىنشا وكىل يمامى ءومىرزاق قاجى قازكەن ۇلى جينالعان كوپشىلىك الدىندا باس ءمۇفتي ەرجان قاجى مالعاجى ۇلى حازىرەتىنىڭ قۇتتىقتاۋىن جەتكىزدى. وكىل يمام ءوزىنىڭ اقجارما تىلەكتەرىنەن سوڭ مەشىتتىڭ ۇيىمداستىرۋىمەن وتەتىن مەرەكەلىك ءىس- شارانىڭ باعدارلاماسىمەن تانىستىرىپ، بارشا جاماعاتتى مەشىت الاڭىنا شاقىردى.
ق م د ب بەكىتكەن «ءدىن مەن ءداستۇر» جىلى اياسىندا مەشىت اۋلاسىندا كيىز ۇيلەر تىگىلىپ، اقساقالدار مەن اق جاۋلىقتى انالار جانە بەلگىلى زيالى قاۋىم اق داستارحانعا شاقىرىلدى.
ۇلتتىق ويىندار بويىنشا ارقان تارتىپ جارىسۋدا جىگىتتەر توپ- توپقا ءبولىنىپ كۇش سىناسسا، نايزا لاقتىرۋدان قاتىسۋشىلار ءوز مەرگەندىكتەرىن كورسەتتى.
قازاقشا كۇرەستە ناعىز پالۋاندار انىقتالىپ جاتسا، باسقالارى گىر تاسىن ەركىن كوتەرىپ، كورەرمەن تاڭدايىن قاقتىردى.
كىل جۇيرىكتەرگە مەشىت ۇجىمى ماراپاتتاۋ قاعازدارى مەن باعالى سىيلىقتاردى ۇلەستىردى.
