قازاقتىڭ جازبا مادەنيەتىنە قاتىستى جاڭا دەرەكتەر پايدا بولدى
بۇل تۋرالى ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى جونىندەگى ديرەكتورى اقتوتى رايىمقۇلوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتى بارىسىندا مالىمدەدى.
«دەشتى- قىپشاق. قۇپيا تاڭبالار» فيلمىمەن جۇمىس ىستەۋ بارىسىندا ءتۇسىرىلىم توبى ارمەنيادا بولدى، كينولەنتانىڭ باسىم بولىگى سول جاقتا ءتۇسىرىلدى. ءبىز ول جاقتىڭ جەرگىلىكتى كىتاپحانالارىنان جازبا دەرەككوزدەرىن تاپتىق، ولاردىڭ جازباسى ارميان گرافيكاسىمەن كونە قىشپاق تىلىندە جازىلعان. جازبالاردى زەرتتەپ، ءبىز ولاردىڭ XIV عاسىردان بۇرىن پايدا بولعان دەگەن تۇجىرىمعا كەلدىك. بۇل ءبىز ءۇشىن كۇتپەگەن جاعداي بولدى»، - دەدى ول.
ونىڭ ايتۋىنشا، وسىلايشا قازاق حالقىنىڭ بۇرىن ايتىلعانداي، جازبا مادەنيەتى جاڭادان قۇرىلعان ەمەس، باسپاسى كونە حالىق بولىپ ەسەپتەلەدى. ونىڭ ويىن «دەشتى-قىپشاق. قۇپيا تاڭبالار» فيلمىنىڭ رەجيسسەرى باقىت قايىربەكوۆ تە قۇپتادى.
«قىپشاق ءتىلى عاسىر بويى باتىس جانە شىعىس مادەنيەتىن تاراتۋشى بولدى. بالقاشتان دۋنايعا دەيىنگى شەكسىز دالالاردا ءساتتى قاتىناسۋ ءۇشىن ازيادا ساپار شەگۋشى ەۋروپالىقتارعا ونى ءبىلۋ مىندەتتى شارت بولدى»، - دەدى ول.
