ماسكەۋدە ايدىن ايىمبەتوۆتىڭ عارىشقا ۇشۋعا دايارلىعى تۋرالى قازاقستان - رەسەي كەلىسسوزدەرى ءوتتى
«قازعارىش باسشىسى روس كوسموس باسشىسى يگور كوماروۆپەن كەزدەسۋ ۋاقىتىندا 2015 - جىلعى 1 - قىركۇيەككە بەلگىلەنگەن ح ع س- عا ق ر زەرتتەۋشى ۇشقىشى ايدىن ايىمبەتوۆتى ۇشىرۋدىڭ ۇيىمداستىرۋ- تەحنيكالىق ماسەلەلەرىن تالقىلادى»، - دەپ حابارلادى ق ر ي د م ا ع ك باسپا ءسوز قىزمەتىنەن ءبىزدىڭ اگەنتتىككە.
سونداي- اق رەسەيلىك ارىپتەستەرمەن قازاقستاندىق عارىشكەردىڭ عىلىمي باعدارلاماسىنا تۇزەتۋ جۇرگىزىلۋدە. ا. ايىمبەتوۆتى عارىشقا ۇشىرۋ ۇلتتىق باعدارلاماسىنىڭ قازاقستاندىق عالىم- ازىرلەۋشىلەر توبىن «ۇلتتىق عارىشتىق زەرتتەۋ جانە تەحنولوگيالار ورتالىعى» ا ق پرەزيدەنتى، پروفەسسور جۇمابەك جانتايەۆ باسقارادى.
وسىمەن بىرگە وسى جۇمىس ساپارى اياسىندا قازعارىش باسشىسى اتى اڭىزعا اينالعان امەريكالىق استروناۆت توماس ستاففوردتىڭ قاتىسۋىمەن «سويۋز- اپوللون» ەكسپەريمەنتالدىق عارىش ۇشىرىلىمىنىڭ 40 جىلدىعىنا ارنالعان سالتاناتتى شارالارعا قاتىسقانى حابارلانادى.
تاريحي وقيعا قۇرمەتىنە، حالىقارالىق عارىشقا قوسقان ۇلەسى ءۇشىن ت. مۇسابايەۆ كەمەروۆ وبلىسىنىڭ گۋبەرناتورى امان تۋلەيەۆتىڭ «الەكسەي لەونوۆ» كۇمىس مەدالىمەن ماراپاتتالدى. ەرەكشە ناگرادانى ك س ر و- نىڭ اتى اڭىزعا اينالعان كوسموناۆت ۇشقىشى الەكسەي لەونوۆتىڭ ءوزى تابىستادى.
مۇنداي مەدالداردى كەڭەستىك كوسموناۆتتار گەورگي گرەچكو، الەكسەي ەليسسيەۆتەر العان، - دەپ اتاپ ءوتتى قازعارىش باسپا ءسوز قىزمەتى.
