سەرىك احمەتوۆتى سوتتايتىن سۋديانىڭ اتى-ءجونى بەلگىلى بولدى
قاراعاندى وبلىستىق سوتىنىڭ باسپا ءسوز قىزمەتىندەگىلەر قازاقستاننىڭ بۇرىنعى پرەمەر-ءمينيسترى سەرىك احمەتوۆ پەن قاراعاندى وبلىستىق اكىمدىگىنىڭ ءبىرقاتار لاۋازىمدى تۇلعاسىنا قاتىستى ءىستى قاراعاندىنىڭ قىلمىستىق ىستەر بويىنشا مامانداندىرىلعان اۋدانارالىق سوتىنىڭ سۋدياسى يسلامحان ەسەنبايەۆتىڭ قارايتىنىن راستادى.
بۇل سۋديانىڭ اتى-ءجونى بۇعان دەيىن بىرنەشە رەت اتالعان بولاتىن، بيىل كوكتەمدە قاراعاندى وبلىسىندا گيمنازيانىڭ 14 جاستاعى وقۋشىسى ۆيكتوريا شيەۆكۋنوۆانىڭ ولىمىنە قاتىستى داۋلى پروتسەسستى جۇرگىزدى. ول كەزدە سوت ايىپتالۋشى ستانيسلاۆ كيمدى اقتاپ الدى. اقتاپ الۋ تۋرالى ۇكىمنىڭ نەگىزىندە سۋديا يسلامحان ەسەنبايەۆ سوتتالۋشىنى قازا بولعان قىزدىڭ ولىمىنە جانە ۇيالى تەلەفونىنىڭ ۇرلانۋىنا كىنالى ەمەس دەپ تاپتى.
2013-جىلى سۋديا ەسەنبايەۆ، تاكسي جۇرگىزۋشىسىنىڭ ولىمىنە قاتىستى ءىستى قاراپ شىعىپ، ايىپتى ەكى ازاماتتى 14 جانە 15 جىلعا سوتتادى.
قازاقستاننىڭ بۇرىنعى پرەمەر-ءمينيسترى سەرىك احمەتوۆ پەن قاراعاندى وبلىستىق اكىمدىگىنىڭ ءبىرقاتار لاۋازىمدى تۇلعاسىنا قاتىستى سوت وتىرىسىنىڭ قاي كۇنى جانە قاي جەردە وتەتىنى بەلگىسىز.
ەسكە سالا كەتەيىك، بۇعان دەيىن سەرىك احمەتوۆ ءىسىنىڭ سوتقا جىبەرىلگەنى حابارلانعان بولاتىن. قازاقستاننىڭ بۇرىنعى ءمينيسترى سەرىك احمەتوۆكە جەمقورلىق ماندەگى التى قىلمىس بويىنشا رەسمي تۇردە ايىپ تاعىلعان بولاتىن، ولاردىڭ قاتارىندا اسا ءىرى كولەمدە پارا الدى (تەرگەۋدىڭ تۇجىرىمىنشا، 2 ميلليون 400 مىڭ دوللار - اۆتور.)، اسا ءىرى كولەمدە بيۋدجەت قارجىسىن جىمقىردى، لاۋازىمىن اسىرا پايدالاندى جانە كاسىپكەرلىك قىزمەتكە زاڭسىز ارالاستى دەگەن ايىپتار بار.
