گۆاتەمالانىڭ بۇرىنعى پرەزيدەنتىنىڭ اقىل-ەسى كەم ەكەنى انىقتالدى
دارىگەرلەر 89 جاستاعى بۇرىنعى مەملەكەت باسشىسىندا جۇيەلى ويلاپ، شەشىم قابىلداۋىنا كەدەرگى كەلتىرەتىن كوگنيتيۆتىك وزگەرىس بارىن انىقتادى.
«قازىرگى ۋاقىتتا ونىڭ ويلاۋ قابىلەتى السىرەگەن، ول وزىنە تاعىلعان ايىپتى ءتيىستى دارەجەدە سارالاۋعا، سوت ءۇردىسىنىڭ بارىسىن ۇعۋعا، ءوزىن-ءوزى قورعاۋعا قاتىسۋعا قابىلەتسىز، - دەپ اتاپ وتىلگەن دارىگەرلىك قورىتىندىدا. - سونداي-اق وعان سوت وتىرىسىنا قاتىسۋعا رۇقسات ەتىلمەيدى».
ەندىگى كەزەكتە سوڭعى ءسوزدى ديكتاتور ءىسىن قاراپ جاتقان سۋديا ايتادى. ءبىرىنشى ساتىداعى سوت 2013 -جىلعى 10 -مامىردا وعان ناسىلشىلدىگى ءۇشىن جانە ادامزاتقا قارسى قىلمىسى ءۇشىن 80 جىلعا باس بوستاندىعىنان ايىرۋ ۇكىمىن كەسكەن. الايدا 21 -مامىردا گۆاتەمالا كونستيتۋتسيالىق سوتى بۇل ۇكىمنىڭ كۇشىن جويدى. گەنەرال بيلىككە 1982 -جىلى اسكەري توڭكەرىس كەزىندە كەلگەن جانە 1983 -جىلى كەزەكتى اسكەري بۇلىك سالدارىنان تاقتان تايعان.
ول باسقارعان ءبىر جارىم جىلدا گۆاتەمالا اسكەرى حالىققا قارسى، اسىرەسە ۇندىستەرگە قارسى جازالاۋ وپەراتسيالارىن جۇرگىزگەن. قۇقىق قورعاۋ ۇيىمدارىنىڭ باعالاۋىنشا، وسى ۋاقىت ىشىندە كەمىندە 10 مىڭ ادام قازا تاپقان، الايدا فورمالدى تۇردە ريوس مونتت 1771 ءۇندىستى ءولتىردى دەپ ايىپتالۋدا.
