رامزان قادىروۆ: كەي ليدەرلەر ەلىن تالقانداپ جاتسا، ن. نازاربايەۆ قازاقستاندى نىعايتىپ كەلەدى
ول جازباسىندا قازىرگى زاماننىڭ ءىرى ساياساتكەرى، رەسەي مەن شەشەنستاننىڭ ناعىز دوسى قازاقستان پرەزيدەنتى نۇرسۇلتان نازاربايەۆتى مەرەيتويىمەن قۇتتىقتاۋ ءوزى ءۇشىن ۇلكەن مارتەبە ەكەنىن اتاپ وتكەن. رامزان قادىروۆتىڭ ايتۋىنشا، شەشەنستاننىڭ ءبىرىنشى پرەزيدەنتى، رەسەي قاھارمانى احمەت- قاجى قادىروۆ نۇرسۇلتان نازاربايەۆقا ۇلكەن قۇرمەتپەن قاراعان.
«ول ونى قازاق حالقىنىڭ اكەسى، دانا، ۇلى ادام دەپ اتاعان. ن. نازاربايەۆ ءوز ەلىن پوست كەڭەستىك كەزەڭدەگى كۇردەلى ساياسي وتكەلدەردەن الىپ ءوتىپ، قازاقستاننىڭ بولاشاعى باۋىرلاس رەسەي حالقىمەن مىزعىماس دوستىقتا ەكەنىن ءبىلدى»، - دەدى رامزان قادىروۆ.
«كەيبىرەۋلەر ءوز ەلىن تالقانداۋدان قولى بوساماي جاتقاندا، ن. نازاربايەۆ قازاقستاننىڭ ساياسي، ەكونوميكالىق تۇراقتىلىعىن قامتاماسىز ەتىپ، رەسەيمەن قارىم- قاتىناستى دامىتىپ وتىر. قۇرمەتتى، نۇرسۇلتان ءابىش ۇلى! سىزگە مىقتى دەنساۋلىق، باقىت پەن بەرەكە، باۋىرلاس قازاقستان حالقىنا جاڭا جەڭىستەرگە جەتە بەرۋگە تىلەكتەسپىن»، - دەپ جازدى شەشەنستان باسشىسى.
