ەلوردادا شاي تاريحىنان سىر شەرتەتىن كورمە اشىلدى - فوتو
كورمە استانا كۇنىنە جانە ۇلتتىق مۋزەيدىڭ 1 جىلدىعىنا وراي ۇيىمداستىرىلدى.
كورمەنى قازاقستان رەسپۋبليكاسىنىڭ مادەنيەت جانە سپورت مينيسترلىگى، بريتاندىق كوممەرتسيالىق ەمەس N. Sethia Foundation قايىرىمدىلىق قورى جانە قازاقستان رەسپۋبليكاسىنىڭ ۇلتتىق مۋزەيى ۇيىمداستىردى.
«پرەزيدەنتتەرىڭىزدىڭ تۋعان كۇنى قۇتتى بولسىن، جاراتقان ەلباسىلارىڭىزعا ۇزاق عۇمىر مەن مىقتى دەنساۋلىق بەرسىن! سىزدەردى ۇلتتىق مۋزەيدىڭ 1 جىلدىعىمەن دە قۇتتىقتايمىن. بۇل مۋزەيدىڭ داڭقى جىلدان- جىلعا ارتا بەرەدى دەپ ۇمىتتەنەمىن. سىزدەردىڭ مۋزەيلەرىڭىزدىڭ الەم مۋزەيلەرىنىڭ وندىعىنا كىرەتىنىن ەستىگەن كەزدە تاڭ قالدىم جانە قاتتى قۋاندىم. مۇندا دۇنيەجۇزىنىڭ ەڭ ۇزدىك كوللەكتسيالارىن ۇيالماي كورسەتۋگە بولادى»، - دەدى كورمەنىڭ اشىلۋىندا Chitra by Newby كوللەكسياسىن جيناقتاۋشى - N. Sethia Groupof Companies جانە N. Sethia Foundation قايىرىمدىلىق قورىنىڭ ءتوراعاسى نيرمال كۋمار سەتحيا.
لوندوندا ورنالاسقان Chitra by Newby كوللەكسياسى - بۇل شاي تاريحىمەن بايلانىستى جالعىز جەكە انتيكۆارياتتار توپتاماسى. كوللەكسيا قۇرامىندا ەۋروپا، ازيا جانە امەريكادا جاسالعان قولدانبالى ونەر تۋىندىلارىنىڭ 1500-دەن استام سيرەك جانە عاجاپ ۇلگىلەرى بار.
كوللەكتسيا مىڭ جىلدىق ۋاقىت ارالىعىن قامتيدى، مۇندا سۋن ديناستياسى (Х-ХIII ع ع. ) كەزىندەگى پيالالار مەن ساتسۋمالىق كەرەمەت فارفور شاينەكتەردەن باستاپ ۆيكتورياندىق داۋىردەگى سالتاناتتى شاي ىدىستارى مەن ХХI عاسىردا جاسالعان ءساندى اكسەسسۋارلارعا دەيىن قويىلعان.
اتاپ ايتقاندا، قىتايدىڭ مين داۋىرىنە (1368-1644) جاتاتىن كوكالا فارفوردان جاسالعان، كۇمىسپەن بەزەندىرىلگەن «كرااك» ستيلىندەگى شاينەك، اشىق تەڭىز تولقىنى تۇستەس نەفريتتەن جاسالعان، ايداھار بەينەلەنگەن پيالا، قىتايدىڭ كانسي داۋىرىنە (1662-1722) جاتاتىن التىنمەن بەزەندىرىلگەن فارفور شاينەك، بوروككو ستيلىندە نيدەرلاندىدا جاسالعان شاينەك (1700)، التىنمەن بەزەندىرىلگەن، گەليوتروپتان جاسالعان شاينەك، التىن جالاتىلعان كۇمىس شاينەك پەن شاي تاباق جانە ت. ب. كوپشىلىك نازارىنا ۇسىنىلعان.
«Chitra by Newby كوللەكتسياسىنان» كورمەسى استانا تۇرعىندارى مەن قوناقتارىن ەرەكشە قۇندى جادىگەرلەرمەن تانىستىرىپ، شاي ءىشۋ مادەنيەتىندە قالىپتاسقان داستۇرلەر تۋرالى جانە وسىناۋ كونە سۋسىننىڭ تاريحىنان حاباردار ەتتى.
