بەيبىت ىستىبايەۆقا ق ر پرەزيدەنتى اتىنان توسبەلگى تابىستالدى - فوتو

قۇرمەت بەلگىسىن بالۋانعا ق ر مادەنيەت جانە سپورت ءمينيسترى ارىستانبەك مۇحامەدي ۇلى تابىستادى.

«ءسىزدى «قازاقستان بارىسى-2015» رەسپۋبليكالىق تۋرنيرىندەگى جەڭىسىڭىزبەن قۇتتىقتايمىن. سىزگە جاستارعا ۇلگى بولىپ جۇرگەنىڭىز ءۇشىن العىس بىلدىرەمىن، وزىڭىزگە، وتباسىڭىزعا مىقتى دەنساۋلىق تىلەيمىن. ارماندارىڭىز ورىندالا بەرسىن»، - دەپ قۇتتىقتاۋ گراموتاسىن وقىپ بەردى مينيستر.

ءوز كەزەگىندە ا. مۇحامەدي ۇلى تۋرنيردە ب. ىستىبايەۆ  شەبەرلىگىن عانا ەمەس، العا جىلجۋعا دەگەن قۇشتارلىعىن پاش ەتكەنىن اتاپ ءوتتى.

- استانا كۇنى اياسىندا «قازاقستان بارىسى-2015» تۋرنيرى ءوتىپ، مەملەكەت باسشىسى بەيبىت ىستىبايەۆقا گران-پري تابىستاعانى قانداي تاماشا. ەلباسى قازاقستان بولاشاققا سەنىمدى قادام باسىپ كەلە جاتقان ينتەللەكتۋالدى ەل بولۋى ءتيىس ەكەنىن ۇنەمى ايتىپ كەلەدى. ول ءۇشىن جاستار سپورت پەن مادەنيەتكە كوڭىل ءبولىپ، رۋحاني باي بولۋى ءتيىس. سوندا مەملەكەتىمىز «ماڭگىلىك ەل» اتانۋعا لايىق بولماق، - دەدى ا. مۇحامەدي ۇلى.

ەسكە سالايىق، 4- شىلدە كۇنى ب. ىستىبايەۆ «قازاقستان بارىسى-2015» رەسپۋبليكالىق تۋرنيرىنىڭ فينالىندا قىزىلوردالىق رۋسلان ءابدىرازاقوۆتان باسىم ءتۇستى. جەڭىمپاز 150 مىڭ تەڭگە كولەمىندەگى سىيلىق پەن چەمپيوندىق بەلبەۋگە جانە التىن تايتۇياققا يە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى