فيليپپيننىڭ سولتۇستىك بولىگىن «لينفا» داۋىلى ابىگەرگە سالدى
بۇل تۋرالى ازاماتتىق قورعانىس كۇشتەرىنىڭ وكىلدەرى ءمالىم ەتتى، دەپ حابارلادى izvestia.ru.
«كوپتەگەن جەرلەردىڭ جولدارى تولىق جابىلدى، تۇرعىن ۇيلەر سۋعا كەتتى، ولاردىڭ كەيبىرى تۇگەلدەي سۋ استىنا باتتى»، - دەدى ازاماتتىق قورعانىس ايماقتىق باسقارماسىنىڭ باسشىسى چيتو كاسترو. قۇربان بولعاندار مەن قيراتۋ جونىندە اقپارات تۇسكەن جوق. داۋىلدىڭ، جەلدىڭ كۇشى ساعاتىنا 120 شاقىرىمعا جەتىپ، ارحيپەلاگتىڭ سولتۇستىك-باتىس بولىگىنە قاراي ءتونىپ كەلەدى.
7 مىڭعا جۋىق ارال قۇرامىنا كىرەتىن فيليپپيندە جىل سايىن 27 تايفۋن مەن داۋىل ابىگەرگە سالادى. ولاردىڭ ءبىرى وتە جويقىن «حايان» تايفۋنى 2013-جىلى قاراشادا 6 مىڭ ادامنىڭ ءومىرىن قيىپ كەتكەن بولاتىن. اپات سالدارىنان ءارتۇرلى دارەجەدە 12 ميلليونعا دەيىن تۇرعىن زارداپ شەكتى.
