جامبىل وبلىسىنان ارنايى كەلگەن ءبىر توپ ايەل كارىم ماسىموۆكە حات جولدادى
بالالارى الماتىداعى اسفەندياروۆ اتىنداعى مەديتسينالىق ۋنيۆەرسيتەتتە ءبىلىم الىپ جاتقان اتا- انالار وبلىس اكىمى كارىم كوكىرەكبايەۆقا نارازى. ويتكەنى، كەزىندە ءوڭىردى باسقارعان قانات بوزىمبايەۆ تەگىن وقىتقان ستۋدەنتتەرگە، كوكىرەكبايەۆ كەلگەلى ءبىر تيىن بولمەي قويعان.
جامبىل وبلىسىنىڭ شەندىلەرىن ايىپتاپ، استاناعا ارنايى كەلگەن ءبىر توپ انانىڭ بىتپەس داۋمەن، بالا قامىمەن جۇگىرىپ جۇرگەندەرىنە جىلعا جۋىقتاپتى.
وبلىستى قانات بوزىمبايەۆ باسقارعان تۇستا، 116 تۇلەك الماتىداعى مەديتسينالىق ۋنيۆەرسيتەتكە تەگىن وقۋعا تۇسىرىلگەن. شەنەۋنىكتەر سول كەزدە جامبىل وبلىسىنداعى دارىگەرلەر تاپشىلىعىن جويۋدى كوزدەپ، بالالاردىڭ بىلىمىنە 231 ميلليون تەڭگە دە جۇمساپتى.
الايدا، ايماقتان بوزىمبايەۆ كەتىپ، ورنىنا كارىم كوكىرەكبايەۆ اكىم بولىپ كەلىسىمەن ستۋدەنتتەردى قارجىلاندىرۋ توقتايدى. شەندىلەر اقشانىڭ جوقتىعىن، اقى ءبولۋدىڭ زاڭسىزدىعىن ايتقان. وسىلايشا، 4 -جىلىن ىڭ-شىڭسىز وقىپ، ديپلوم الۋىنا ءبىر جىل قالعان شاكىرتتەرگە شەندىلەر كەلىسىم- شارتتى بۇزاتىنىن ەسكەرتەدى. قايدا بارارىن بىلمەي دال بولعان ستۋدەنتتەرگە بيولوگيا پانىنە اۋىسۋعا نەمەسە كوللەدجدە جالعاستىرۋعا كەڭەس بەرەدى.
نۇرسۇلۋ ساپاروۆا، جامبىل وبلىسىنىڭ تۇرعىنى:
- بەس مينۋتتان سوڭ دارىگەر بولايىن دەپ وتىرعاندا كەشىر بالام بيولوگ ەكەنسىڭ دەپ قايتىپ ايتامىز. 231 ميلليون تەڭگە اۋقىمدى اقشا، قايدا كەتتى؟
ستۋدەنتتەردى تەگىن وقىتامىز، جامبىلداعى مامان تاپشىلىعىن جويامىز دەگەن شەندىلەر وسىلايشا باستاعان ىستەرىن اياعىنا جەتكىزبەدى. بالالارىمىزدىڭ تاعدىرىمەن وينادى دەپ اشىنعان اتا- انالار ءقازىر جەرگىلىكتى اتقامىنەرلەرمەن سوتتاسىپ جاتىر. الايدا، 9 ايدان بەرى ءوتىپ جاتقان پروتسەسكە داۋلى ماسەلەگە تىكەلەي جاۋاپتى وبلىس اكىمى كارىم كوكىرەكبايەۆ توبە كورسەتپەپتى. كەرىسىنشە، جەرگىلىكتى پوليتسەي وتىرىسقا كەلگەن اتا- انالارعا پسيحولوگيالىق قىسىم كورسەتىپ جاتقان كورىنەدى.
ءبىر جىلعا جۋىق بىتپەس داۋدىڭ شەشىمىن ىزدەگەن ءبىر توپ انا بۇگىن ۇكىمەت باسشىسى كارىم ءماسىموۆتىڭ اتىنا شاعىم حاتتارىن جولدادى. اتا- انالار 100 گە جۋىق بولاشاق دارىگەردىڭ تاعدىرىنا استانانىڭ ارالاسىپ، گرانت ماسەلەسىن شەشىپ بەرۋىن تالاپ ەتۋدە. ويتكەنى، بيىل سوڭعى ەمتيحاندارىن تاپسىرىپ بىتكەن ستۋدەنتتەر ءبىر- ەكى كۇندە ءوز ەرىكتەرىمەن كەلىسىم- شارتتارىن بۇزىپ، وقۋدان شىعۋى ءتيىس. ال جاعدايى تومەن وتباسىلاردىڭ بالالارىنىڭ وقۋى ءۇشىن 1 ميلليون تەڭگەنى تاۋىپ بەرۋگە قاۋقارى جوق.
31-ارنا
