قاسيەتتى قاعبا ماڭى تەگىن ينتەرنەتپەن قامتىلدى
قوس كيە باسقارماسى اقپاراتتىق تەحنولوگيا ورتالىعىنىڭ ديرەكتورى باندار ءال-كۋزايمنىڭ ايتۋىنشا، بۇل قاجىلارعا جاسالار جاعدايدىڭ تەك ءبىرى عانا، دەپ حابارلانعان «نۇر استانا» مەشىتىنىڭ سايتىندا.
ورتالىق ديرەكتورى جاڭا جوبا مۇسىلمانداردىڭ ناقتى جەرگىلىكتى ۋاقىت بويىنشا اكىمشىلىكپەن بايلانىسىپ، كەرەكتى اقپاراتقا قول جەتكىزۋىن ماقسات ەتەتىنىن ايتتى.
ال قاجىلىق راسىمىندە ءتاۋاپ ەتۋشى مۇسىلماندار ءۇشىن ءوز سمارتفوندارىندا قاعبانى قانشا رەت اينالۋى كەرەكتىگى تۋرالى مالىمەتتەر كورسەتىلەدى.
«ءبىز بۇعان قوسا جاڭا ءموبيلدى قوسىمشانى دا ىسكە قوستىق. ول ارقىلى كەز كەلگەن مۇسىلمان كەشكى اۋىزاشار اسىنا تاپسىرىس بەرە الادى. تاپسىرىستى ءدال «ءال- حارام» مەشىتىندە وتىرساڭىز دا جەتكىزىپ بەرەدى»، - دەيدى ءال- كۋزايم.
كەلەسى ءبىر ەرەكشە مۇمكىندىك - يعتيكاف قۇلشىلىعىنا ەلەكتروندى تۇردە تىركەلۋ. مەشىتتە وتەتىن وسى قۇلشىلىق راسىمىنە ازىرگە اراب، اعىلشىن، تۇرىك، ۋردۋ، پارسى جانە فرانسۋز تىلدەرىندە تىركەلۋگە بولادى.
