ماماندار قايناعان سۋدى ەكىنشى رەت قايناتىپ ىشپەۋگە كەڭەس بەرەدى
بىرەۋلەر سۋدى توگىپ ىسىراپ ەتكىسى كەلمەيدى، ەكىنشىلەرى شاينەكتى قايتا تولتىرۋعا ەرىنىپ جاتادى. ءبىراق، ءبىر قايناعان سۋدى ەكىنشى رەت قايناتىپ ىشكەننىڭ ءوزى دەنساۋلىققا زيان دەيدى دارىگەر- ماماندار.
ءبىزدىڭ قازىر تۇتىنىپ جۇرگەن سۋدىڭ قۇرامىندا حلوردان بولەك باسقا دا ءتۇرلى حيميالىق قوسپالار بار. زاماناۋي سۇزگىلەردىڭ ءوزى ولاردى بىزگە تولىقتاي تازارتىپ بەرە المايدى. جەراستى سۋلارىن پايدالاناتىنداردى دا تازا سۋ ءىشىپ وتىر دەپ ايتا المايمىز. ويتكەنى، بۇگىنگى ەكولوگيالىق جاعداي كوڭىلگە كۇدىك تۋدىرادى.
سۋدى زالالسىزداندىرىپ، قاۋىپتى قاسيەتتەرىنەن ارىلۋدىڭ بىردەن- ءبىر جولى - ونى قايناتۋ. قايناۋ بارىسىندا سۋداعى باكتەريالار جوعالىپ، حلور ازايىپ، سۋ جۇمساعىراق بولادى. الايدا، كوپتەگەن زەرتتەۋلەر ناتيجەلەرى سۋ قۇرامىنداعى اۋىر مەتالدار قايناۋ بارىسىندا بۋلانىپ كەتپەيتىنىن، ال حلور باسقا زاتتارمەن قوسىلىپ، زياندىلىعىن ارتتىراتىنىن كورسەتتى.
ال، ءبىر سۋدى ەكى نەمەسە ودان دا كوپ رەت قايناتۋ ناتيجەسىندە ادام اعزاسىنا ءقاۋىپتى قوسىلىستاردىڭ سانى كوبەيىپ، پايدالى قاسيەتتەر مەن وتتەگى ازايىپ كەتەدى. باسقاشا ايتقاندا، سالىستىرمالى تۇردە پايدالى، جۇمساق سۋ «ءولى» سۋعا اينالاتىن كورىنەدى. سول ءۇشىن ماماندار سۋدى ءبىر رەتتەن ارتىق قايناتپاۋعا كەڭەس بەرەدى.
بىرنەشە رەت قايناتىلعان سۋدى ءجيى پايدالاناتىن بولساڭىز ەڭ الدىمەن بۇيرەگىڭىزدىڭ جۇمىسى ناشارلاپ، جۇرەك- قان تامىر اۋرۋلارىنا شالدىعۋىڭىز ىقتيمال. سونداي- اق، تەرىدە داقتار پايدا بولىپ، قانت ديابەتى سەكىلدى قاتەرلى دەرتتىڭ دە پايدا بولۋى مۇمكىن.
ا ق ش عالىمدارى گازدالعان سۋسىنداردى ىشۋگە ءۇزىلدى- كەسىلدى قارسى شىقتى
بوستونداعى (ا ق ش) تافتس ۋنيۆەرسيتەتىنىڭ ءبىر توپ عالىمى ءتاتتى گازدالعان سۋسىندارعا تىيىم سالۋعا شاقىرۋدا. ويتكەنى، ولار كوپتەگەن ادامنىڭ اجالىنا سەبەپ بولادى ەكەن.
عالىمدار سوڭعى 30 جىل بويى جۇرگىزگەن جۇمىستارىنىڭ ناتيجەلەرىن قورىتىندىلادى. ونىڭ بارىسىندا الەمنىڭ 50 ەلىندە تۇراتىن 611 مىڭنان اسا ادامنىڭ دەنساۋلىعى باقىلانىپ، قايتىس بولۋ سەبەپتەرى زەرتتەلگەن.
اقىرى گازدالعان سۋسىنداردىڭ جىلىنا 184 مىڭ ادامنىڭ ءومىرىن قياتىندىعى انىقتالدى. بۇل سۋسىندار ديابەت پەن جۇرەك اۋرۋلارىن تۋدىرادى. سونداي- اق، ونكولوگيالىق دەرتتەرگە دە سولار سەبەپ.
مەديتسينالىق ماماندار بۇكىل الەم بويىنشا گازدالعان سۋسىن ءوندىرىسىن قىسقارتىپ، ونى شەكتەن تىس ءىشۋدى دوعارۋعا ۇندەپ وتىر. كەرىسىنشە بولعان جاعدايدا، ءىس ناسىرعا شابۋى مۇمكىن.
