ەلباسىنىڭ قولىنان لەيتەنانتتىق پوگوندار الۋ سارباز ءۇشىن اسا ۇلكەن قۇرمەت - اسكەري - ينجەنەرلىك ينستيتۋت تۇلەگى ابىلاي ءبىرالين

«ق ر  ق ك جوعارعى باس قولباسشىسى - ق ر پرەزيدەنتى نۇرسۇلتان نازاربايەۆتىڭ قولىنان قۇرلىق اسكەرلەرىنىڭ اسكەري ينستيتۋتى مەن راديوەلەكترونيكا جانە بايلانىس اسكەري- ينجەنەرلىك ينستيتۋتىنىڭ تۇلەكتەرى راتبەك مۇرات، ايدار نازاربەكوۆ، ابىلاي ءبىرالين جانە ميرحاتبەك سمايىلوۆ لەيتەنانتتىق يىقبەلگىلەر الدى. بۇگىننەن باستاپ ولار ۇلكەن ومىرگە قادام باسىپ، وفيتسەرلىك مانساپتى باستادى جانە قازاقستاندىق ارميا وفيتسەرى جوعارى اتاعىن نامىسپەن اتقارىپ، وتانىمىزدىڭ لايىقتى قورعاۋشىلارى بولادى»، - دەلىنگەن ق ر قورعانىس مينيسترلىگىنىڭ مالىمەتىندە.

«بۇل اتاۋلى كۇن ماڭگى ەسىمىزدە قالادى جانە ءبىز ءۇشىن ءارى قاراي قىزمەت اتقارۋ سيمۆولى بولادى. ەلباسىنىڭ قولىنان لەيتەنانتتىق پوگونداردى الۋ قۇرمەتى بەرىلگەنى ءۇشىن بىزگە جۇكتەلگەن مىندەتتى ابىرويمەن اتقارۋعا جانە وتاندى قورعاۋ سەنىمىن اقتاۋ ءۇشىن بارلىق كۇش- جىگەرىمىزدى سالۋعا ۋادە بەرەمىز»، - دەدى راديو ەلەكترونيكا جانە بايلانىس اسكەري- ينجەنەرلىك ينستيتۋتىنىڭ تۇلەگى ا. ءبىرالين.

ايتا كەتەيىك، ەلوردا كۇنى قارساڭىندا ەلىمىزدىڭ اسكەري جوعارى وقۋ ورىندارىنىڭ ۇزدىك تۇلەكتەرىن ماداقتاۋ ءداستۇرى 2009 - جىلى باستالعان. قازىرگى ۋاقىتتا بۇل وفيسەرلەر ارميامىزدى نىعايتۋ ىسىنە سۇبەلى ۇلەستەرىن قوسا وتىرىپ، قورعانىس مينيسترلىگىنىڭ ءارتۇرلى اسكەري بولىمشەلەرىندە قىزمەت وتكەرىپ ءجۇر.

ءراسىمنىڭ جالعاسى كەزىندە ق ر قورعانىس ءمينيسترى يمانعالي تاسماعامبەتوۆ 13 ۇزدىك تۇلەككە پوگون تابىس ەتتى. وسى جىلى مۇنداي تابىس ەتۋ ءراسىمى العاش رەت وتكىزىلدى. ق ر قورعانىس ءمينيسترىنىڭ قولىنان پوگونداردى قازاقستاندىق اسكەري وقۋ ورىندارى قۇرلىق اسكەرلەرىنىڭ اسكەري ينستيتۋتى، راديوەلەكترونيكا جانە بايلانىس اسكەري- ينجەنەرلىك ينستيتۋتى، ق ر  ق م كادەت كورپۋسىنىڭ تۇلەكتەرىمەن قاتار، شەتەل اسكەري وقۋ ورىندارىن بىتىرۋشىلەرى الدى.  
 ەسكە سالايىق، بيىلعى جىلى ق ر قارۋلى كۇشتەرىن شەتەل اسكەري وقۋ ورىندارىنىڭ ءبىتىرۋشى اسكەري قىزمەتشىلەرى تولىقتىردى. قازاقستاندىق كۋرسانتتاردىڭ شەتەلدە وقىپ ءبىلىم الۋى ق ر قارۋلى كۇشتەرىنىڭ قۇرىلۋ كەزىنەن جۇرگىزىلىپ جاتقانىن اتاپ وتكەن ءجون. سوڭعى ءۇش جىل ىشىندە شەتەلدىك اسكەري وقۋ ورىندارىن 400 كۋرسانت ءتامامدادى، ونىڭ ىشىندە 2013 -جىلى - 66, 2014-تە - 226, 2015-تە 90 ادام. بۇل رەتتە وزگە ەلدىڭ 150 اسكەري قىزمەتشىسى قازاقستاننىڭ اسكەري وقۋ ورىندارىندا ءبىلىم الۋدا.

 اۆتور :   رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى